قال الذي ما (مال) والـدرب مدلـول=يارد علـى (التدليـل) ورد الفصايـل
اللي كما (همًـال) بالغيـث مرسـول=يتعب على (تجميـل) جـزل المثايـل
مدفق ضميره (سـال) ماوقفـه قـول=ولا تعترض (للسيل) لا جـاك سايـل
خمسة عشر (بالبال) واهول من الهول=يبطي ردي (القيل) عنهن .. جزايـل
شاعر ورث من (خال) كم حيًر عقول=غيره غشاه (الليـل) والليـل طايـل
انا وريث (رجـال) مانـي بمجهـول=يكفـي أمثًـل (جيـل) لعيـال وايـل
حملٍ على (الحمًال) بالمتـن محمـول=وبلهان لا ارسى (الشيل) شال الثقايل
ماني خطو (مهزال) يضرب على طبول=وحاشى على (تطبيـل) دف القبايـل
وربعي على (الاهوال) نطًاحة الضـول=منها يشوف (الويل) من كـان عايـل
وان كانها (بحبال) كم عقـد محلـول=ويا سكةٍ (للريـل) مـا هـي تمايـل
عنًـاز (بالافعـال) وتقـول وتطـول=وان ثار عج (الخيل) تروي الصقايـل
تتبع هدى من (قـال) كـلٍ ومسـؤول=عن جملة (التحصيل) يـوم الهوايـل
وسيف العمر (فصًال) للعبـد مسلـول=ولابـد قولـة (قيـل) شـد الرحايـل
تجي وتروح (اجيال) مااْقفت بمحصول=غير العمل (للكيل) ويش انت شايـل؟