شاعرنا في هذه التحفة الفنية احد ابرز الشعراء الذين انجبتهم قبيلة عنزة
شاعر كتب الشعر شعورا فكانت قصائده تعبيرا مباشرا عن النفس البشرية
توفي رحمه الله قبل حوال العام والنصف بعد ان ترك لنا عددا من القصائد النادرة
التي سارت بها الركبان وتناقلها الرواة بادية وحاضرة فلا تكاد تجد أحدا من ابناء قبيلة عنزة
الموجودين في محافظة تيماء وضواحيها الا وهو يعرف العديد من قصائد هذا الشاعر الفحل
الذي اطلق عليه لقب ( وزير القصيد )
وابشر الجميع بأنه سيصدر ديوان يجمع ما تبعثر من قصائده المنتثرة في صدور الرواة......
انه الشاعر الكبير / عايد بن ضافي بن جلوي الضوي رحمه الله....
اترككم مع هذه المقطوعة

ولي ديار جيتها مالها جنس=زادت على كل الديار بغلاها
مقيظها طيب ... ومسكانها ونس=ليا نسنس الغربي وذعذع هواها
لذة طربها يوم فواز واورنس=معهم نهج طيب الديار وحلاها
بس المنازل خالية ما لهم رمس=ولا عد اخو فوزة برجله وطاها
والشيخ ابن مرشد ترك ديرته حمس=وديار مصوت بالعشا من ولاها
تبدلت ما هي سوالف نهار امس=قعد لهم حكم الدول وعملاها
شفت المنازل و انعمس خاطري عمس=والعين هلت دمعها من عناها
مدري متى لشيوخنا تطلع الشمس=ويجلي ظلام الليل عنهم ضحاها
ويشرق عليها نورها مثل قبل امس=ويسكن قديم الدار حي بناها
ونرجع على الشنبل بجموعنا الخمس=وعنها نزيل ظلال غيم غشاها

وسلامتكم