علام الليل يلعب بي و فجري صـك بيبانه =علام السالفة كبرت و جرح الأمس خـاواني
تمنيـت الوفا لحظه يجي ويشوف من خانه = انا وإلا ضعيف النفـس سـواها وخـلاني
اعيش بواقعي كني سجينٍ وسـط زنـزانه=جريح و صار لي مده ولا جاني وهو الجاني
سجن في داخلي قصة غرام ونفس و لهـانه =يغازلها البطل لين أصبحت من غدره تعـاني
الملم جرحي المدمي وعين العشق سهرانه =اقلب صفحة الماضي ودمعي جرح اوجـاني
سألت اقرابه و قالوا بعيد و تاه عنـوانـه =وضعت بمعمعة دنياي ومادري وين عنواني
يتيم ٍ في بلاد الحب و همومي على شــانه =و زادت فيني أوجـاعي بتفكيري وكتمـاني
شموخ العاطفة فيني سقط عرشه و سلطانه =وجاني طايـر البلبل على شانه و واسـاني
بنى له داخلي قصرين وفجأه هـد بنيـانه =غدر بي و انشطر قلبي من طعونه وعنـاني
ألا حسبي عليه الله ظلـم حظـه و خـلانه =ظلمني صاحبي واقفـا وقلبي بات وحـداني
أحس إن المشاعر في دروب الحب عجزانه =و لو كنت اعرف النيات ما سلمت و جـداني
حسافه صارت عيوني من الرمشين خجلانه =و دمعي شاهد الموقف شهادة حق و أبـراني
أسف يا للأسف كلي أسف والروح غلطـانه =عرفت إن الثقة جمرة حزن تسكن بشـرياني