الجبال الشامخه فيها صمود وكبرياء
تنثني قدامها هامات من ما طالها
والمعزه فطرة فينا يصاحبها الإباء
والطبوع الطيبه دايم حنا لها
ارضنا نفخر بها أرض خير الأنبياء
مايغير سيرها من نوى سودا لها
ضمت أمجاد عددها فوق كل الإحتواء
غيرت مجرى حياة الناس وسط ظلالها
بدلت ظلم البريه خير واحساس ونماء
جمعتنا قلب واحد هي فخرنا كلها
ودي أوصف لو يزيد الحرف ميه فوق ياء
وقتها أقدر أعبر قدرها وابدع لها
افتخر واكبر فخر اني اليك الإنتماء
ياأطهر أرض من غلاها فدوة عمري لها
مايذمك غير حاسد والحسد ماله دواء
دمتي بكل الفضايل والبعض مانالها
ياسعوديه نبع كل الجمايل والوفاء
انعمي في ظل ابو متعب ذرى وحامي لها......
شاعرتنا الكريمه/ الجوهره
صح السانك واعتلا شانك
كلمات وطنيه لها رنين
جميله في طرحك وابداعك
حفظ لنا ارضنا وطهرها من كل سؤ
لا هنتي يا الغلا
تحياتي