اقتباس:
|
المشاركة الأصلية كتبت بواسطة ماجد الركاد
هـــــــــذا نــص القصيدة الأصلي .. وأترك للأعضاء حل الكلمات المتقاطعة بين القصيدتين 
__________________________________________________ ______________
يانجم ياللى عن سما خافقي .. غاب = وش غيـّـبك عـن الخفوق السماوي؟
مدري بدون أسباب ؟؟ وإلا بـه أسباب ؟ = وإلا إنهـا كانت مجـرّد حكـاوي؟؟
الأوله .. يبغى لهـا شـرح وإسهـاب = والثانيـة .. تحتاج منـّـك فتــاوي
والثالثة.. صـدمـة .. وتفريقـة أحـزاب = بلوى .. ولكن غيـر كـل البلاوي
ياصاحـبي .. مالى هنـا غيرك أصحـاب = بعيـون قلبـي .. والضميـر الشقاوي
لو شفـت لي .. ذكـر .. وقـدر .. بين الأجنـاب = وربعـي .. براسي يبعـدون الهقـاوي ؟
تراي .. أعيش بغيبتـك .. عيشـة أغـراب = وأعيـد .. للدنيـا .. زمـان الخـلاوي
كذا .؟؟ تجـازي .. وصلي .. بهجـر ..وغيـاب ؟؟ = وتتركنـي لـ جـور السـؤال اللحـاوي؟؟
معقـولـه ؟ إن اللى مضـى .. نظـرة إعجـاب ؟ = معقـولـه ؟ إن اللى مضـى .. طيـش غـاوي؟
لا ... مستحيــل .. ولاهـو بـ سلـم الأحبـاب = لـّـن الهـواوي .. مالـه .. إلاهـواوي
تعبـت .. والتفكيــر .. عـن دورتـه تــاب = وجيتـك .. وأنـا كلـّـي .. خضـوع .. ورجـاوي
قلـّـى .. دخيـل اللـه .. بلا حــرقـة أعصـاب = ويـش أنـت ؟ في شهـب المعـاليـق .. نـاوي؟
فإن كنـت .. نـاوي .. تفتـح لـ دمعـي البـاب ؟ = الدمـع .. بعيـون المفارق .. رهـاوي
مـا أقول لك .. دمعـي وقـف .. بيـن الأهـداب = أقـول لـك .. خـدي .. مـن الدمـع راوي
وكانـك .. تبي تعـرف غـلاتـك .. ومرتـاب ؟؟ = غـلاك .. قاسـمني .. قصيـد .. وغنـاوي
ما أنساك لو تنسى عنزة سطوة عقاب = ولو نسيت عتيبة فعول العطاوي
وإن كانهـا ..غلـطة .. وقلبـك لهـا .. ذاب = والعـذر .. مايوجـد لـ جرحـه مـداوي؟
وحسـّيـت بالضيقـة .. ورمـح النـدم .. صـاب ؟ = وحبـّـيت ترجـع .. بـس قلبـك حيـاوي ؟
تعـال .. وإلبـس مـن رضـا قلبـي .. ثيـاب = وإنـسى .. وأنـا أنـسى .. يالخفوق السمـاوي
|
ماجد الركاد
يعطيك العافيه ومشكور يا جدي ما الومك اجل ما جاك علم قصيده (( اعتذار الروله ))?!!
والا ما كان تطلب فك الرموز بجنب الوجه المبتسم ! (( يقول مطلق البيت اللي ما يكسره صالح مهو بيت ))
باختصار شديد
هذا ما وجدته ونقلته كما هو لا زياده ولا نقصان !
دمت بحب يا الغلا وسلم لي على نفسك 