ياللـي تناظرنـي بعينـك ومهتَـمْ
وش قصتك واقف ومخفي كلامـك
واقف بصمـت وساكـتٍ ماتكلَـمْ
كن الكلام اعلنـت عنـه صيامـك
صوبت يمي نظرتـك دون مفهَـمْ
مدري وش القصه ولا ادري علامك
هو مقصدك اعجـاب والا مسالَـمْ
او مقصدك انـا نـذوب بغرامـك
شفتك وسـط تلـك العبايـة ملثَـمْ
وشدتني النظرات وروعة قوامـك
شفت الصفات الرايعه فيـك تلتَـمْ
واعجبتني والله بحسـن احتشامـك
قربت عنـدك قلتلـك ياهـلا سَـمْ
وش قصتك عجزت تشيلك عظامك
هات الذي عندك عسى دوم تَسَلـمْ
ويـاك تعلـن صاحبـي انهزامـك
ارئف بحالي صاحبي دوم وارحَـمْ
واكشف عن اعيوني غشاوة ظلامك
اجمع كلامك واحذر اتكـون ظالَـمْ
واسمع لنا صوتك وبلـغ سلامـك
انا تـرى سبتـك صـرت اتألَـمْ
خايف زمان الوقت لايكون ضامك
ازبـن علـي ولا اضنـك بتظّلَـمْ
شدالظهر بيـه وخذنـي حزامـك
وان كان ودك قلبـي وفيـه تحلَـمْ
اخذةهديـة صاحـبـي المقـامـك
وهبتلـك قلبـي وروحـي تسلَـمْ
وكل الجسد ملكك و حاضر امامـك
وانكنـت مغـرم فالغرامـي تولَـمْ
وفطن تراني واقـعٍ فـي هيامـك
قلبـي مـع قلبـك حبيبـي تأقلَـمْ
من يوم ماصوبـت يمـه سهامـك
ياسلام عليك ياراعي البيضا وصح السانك وصف قصة نظره بنظره ترجمتها الى قصيده هذا دليل
بقوة شعرك وتحكمك فيه ياسلام عليك