مع العذر وبكل خجل !!
على طول المسافة التي ملأت غيابي
/ إلا أن قلوبكم تنبض بالحب لكم القلب جميعا!!
والحب / ولأن الوضع الآن لا يحتمل كل مسافات العتب
وبجواره تذوب كل أغلال الزعل والعتب
لكم ماتريدون حتى ترضون
"
:
:
:
{ ْ لله الأمر من قبل ومن بعد }
عسى الله أن يفرج ضيقة أهل / عبدالمجيد مبارك العنزي
ويفرح أهله إنه على ذلك قدير .
ــــــــــــــ
مرار المرجله !! علقم .. وهقوات الرجال افعال = ونفسٍ تقدر ! وتقصــر ايديها !! تقطع ايديها
(تموت وسمَّها فيها ) قبل لاتاقف وتختال = ويِقطع نسل من يمشي معاها في مساعيها
عساها فدوة عيون تقاطــر !! والدمـوع رجال = تغص العبره بجمرة حيــا .. والدمع يطفيها
تقطَّـع حسرة ايامٍ تنهَّــد .. والشفق باغلال = نعاسٍ يرفس بعينٍ تلدد في بنيخيــها
تعزوى .. تنتخي .. تطلــب .. رجالٍ ترتكي لثقال = تفج المعضله .. تضحك !! وتِضحك عين باكيها
على الله كل ضيقه تفرج ويلقالها حلال = مُجيب لدعوة الداعي ليا اخلص نيته فيها
ألا يا الله / يامنزل براءه عقبها الانفال = إليك / ومنـك / نرجــوا رحمة ايدينك ونتليها
تفك رقبة عبدك وانت يالله عالمٍ بالحال = دخيلك يا رحيم انك تقديها وتهديها
قبل لاتوحش دروب الهقاوي والزمن يحتال = وتصير الحسره انفاسٍ تحشرج في ثوانيها
سقى الله طفلةٍ جادت بفسحتها ريال / ريال = وطفل ينتخي بعيال صفّــه مدَّة ايديها
ترى ( عبدالمجيــد ) اليوم هذا // كلكم له آل = ولــد لكبار // أخو لصغار // تحيابه ويحييها
هنا ياهل الحميَّــا !! بالحميَّــا / تضرب الامثـــال = وهنا للخير / ياهــل الخيـــر قاصيها ودانيها
ترى الميزان مايرفع عزيز ولايعز رجال =تحدَّر في ثقيلين الفعال // وشال هافيها
وبعيد الدرب / في خطوه / تصرَّم عقبها الاميال = الين آخر مسافاته // تسابق عين ماشيها
ومن يعمل من الخير ابتغاء الله !! لو مثقال = يبي يلقاه عن اللي عباده مايخليها
لذا تكفون !! خلوكم مثال لباقي الاجيال = مثل ما تفخر اجيال الزمن هذا // بماضيها !!
لكم الشكر كله
على جود فضلكم
ورحابة صدوركم