السلام عليكم .. ويا مساءات النصر والإعجاز في البدايه ابارك ليوسف العتيبي هذا التأهل المعجزه .. وهذا التأهل تعدت معانيه لأكثر من برنامج شاعر المليون .. وجمهور يوسف كان نجم الحلقه بكل صدق .. وانا اوافق روضه يوم تقول الشاعر الذي تحدى الصعاب .. وأظن انها ما غلطت .. فيوسف كان يتعرض للظلم مرتين في اللحظه الواحده .. الاولى حين ينتقد بشكل استفزازي ولا مبرر .. والثانيه حين يمتدح منهو على يمينه ويساره امتداحات مبالغ فيها . واضح ان الاسبوع اللي راح كان اسبوع حافل بإعادة المحبه والتآخي ما بين يوسف واللجنه .. يوسف من طلع بداية الحلقه بدا بشكل مرتاح ما تعودناه منه .. وواضح ايضا من الأخذ والرد بينه وبين اعضاء اللجنه اثناء انتقاد قصائده إن الدعوى فيها حب خشوم ودفان على ما كان بشكل عام الحلقه السابقه احسن مافيها ريبورتاج احباب الله وخصوصا الصغنونين الثنين اللي قالوا قصايد يوسف والعرضه النجديه... / / لي عوده طبعآ للشعراء وقصائدهم وتحليلها ونقدهااا ,,