اقتباس:
|
المشاركة الأصلية كتبت بواسطة سعود العواجي
مساء الخير ....
بدون مقدمات سأضعها كما هي :
ياما سمعت من السوالف وطنشـّت = وبعض السوالف ماتثير أهتمامي
مدام شفت "اردى" المخاليق..لا طشـّت = ينهش "بلحمي" لين يرمي " عظامي "!!
من يوم ماحسّبت عمري وبلشـّت = وأنا أقيس الهرج وأووزن كلامي !!
أمير ! لو ماشفتني لابس ٍ "بشـّت" = والبشت مانـزّل ورفـّع مقامي !!
ليا انتخوا بي // لابتي// لجلهم " ششّت"= وعند المواقف دوم مكـّرب حزامي
أحمي دروبي مااشتكي لو " تليـشـّت "= وفزعة //خوالي// مثل فزعة //عمامي !!
ومدام حزن من المراجل وحـوّشت = وخسـرت !! لاكنّي كسبت أحترامي !
وجودهم لايعني أني " تهمّشـت" = "اكبر عدو" ينحـط داخل أكمامي ؟؟!!
أنصبت !! لا..لا..كنت آبقول: أندّشـت = وياكـم رمـيه جات من غير رامي !!
عايش وكني عند الأنذال ماعشّت = ياحييييييف والله صيت بعض "الأسامي"!!
من شانهم ياما زعلـت وتهاوشّت = وبأسبابهم خلوا لي الجرح " دامي"!!
خليتهم وراي // ضقـت ..وتبلشـّت = قدمتهم // إلين صاروا ..أمامي !!
بدروبهم لاهشـّت فيهـم ولا ..نشـّت = واليـوم مايبغون حتى سلااااامي !!
وأن كانها "بالصيت" و"الطيب"..كوشّت = "والحمد لله فعل الاجداد سامي"!!
وأن شفتني ساكت ولايوم ناقشـّت = تأكد أنه مايطـول "صياااامي" !!
"الجيب" جيبي لو أبي كان " فتشـّت" = وأقدر أرد الهرج حامي بحاااامي ؟
لكن تعبت من السوالف وطنشـّت = لـّن السوالف ماتثييير أهتمااااااامي ؟؟!!
اخوكم / سعـود
|
اعجبني بيت وجيت باقتبسه لقيت اللي بعده ازين منه واعذب وارقى قلت مافيه الا اني اقتبس الابيات كلها
سعود العواجي
والله العظيم قصيدة فاااااااااااااقت الجمال
وأن كانها "بالصيت" و"الطيب"..كوشّـت
"والحمـد لله فعـل الاجـداد سـامـي"!!
ونعم والله في اجدادك وانشهد ان فعلهم سااااااااامي ^__^
صح السانك ملاااااااااايين ولايكفون
تحيتي لك / مشاعر حالمه