[المسيكي]

السلام عليكم

مسيتم بالخير ،،

هذه القصيده ،، قلتها هالسنه يوم انا بالربيع ،،

واحب اسجلها لكم هنا ،،


نتمنى انها تعجبكم

قـال الـذي عـدا بـروس المشاريف=يـوم اسـتــوالـه مـرقــبه بالعــوالي
ابروسـها بدعـت قـافي بتـصــريف=حيــث ان عـنـدي للـقـوافي مشالي
وسجـلت بيـوتي كلبـوها عـلى ايف=الـلام على اليـاء تصبــح عــلى آلي
تعـاقبـن بالـبــال مثـل الخـواطــيف=وغـدالهن باقـصا الـضمـيراجتوالي
وهيضـني شوف الخباري مراديف=بديــار ربــعي مــحتــمين التـــوالي
رزقـها الرحمـن مغيث المــلاهيف=مـن فــضل ربي ضــفّها بـالكــمالي
سيول ٍ تحـدر من الجبال المهاديف=بـها ارتــوت شعــبانــها والدحالي
من عـقب ماهن يابسـات ٍ مناشيف=عــقب المحـول استكملت بالجمالي
العشـب وقـم أشجـارها والكـرانيف=وسط الخــرايم والســهل والـجبالي
بها النـفل لـه بنـّة ٍ مـا بعـــد شـيف=لاجيــت يــم حــزومــها والـمـفـالي
وجـوّهـا لـو كـان تعـطـيه تـوصيف=بـه الحــلا ولــو قــلت انــه خــيالي
الجو لاهـو شتاء ولاهـو بعد صيف=بـه الــدفــا والـــبــرد فيــه اختلالي
روّح جميده وكــل بـرده شـواخيف=بهـا السمـا متـضـبضـبه بـالـخـيالي
بهـا تطـول أسـنام هـزال ٍ معاجيف=تـدله بـها كــل الــرعــايا اكـتـيــالي
لاروّحــن قطـعـانـهن كالـشـواحيف=مثــل النعـــام اللــي حــداه الجفالي
يامحــلا شــوفه بــذيـك الاطــاريف=وشبــحهن بالــدو مــن راس عالي
ويامحلا السجات فيهـا مع الــريف=في رفــقة اللــي مـاحـسب للـريالي
أهــل المراجل والمعاني هل الكيف=مــازاولــوا فـعــل الـخـزا والحيالي
عاداتـهـم دوم ٍيهـــلون بالــضــيف=رجــال ٍمصــاخـير ٍ قــروم ٍ مــدالي
اجدودهم مـروين حـدود المراهيف=لا جــاء نهــار ٍ فيــه نـشب القتالي
عــدوهم ينــكس وربـعــه منـاكيف=لــو بــه زعــاطــير ٍيــرجـع مـوالي
خاويتــهم مالي بحـضب الهـذاليف=أهــل النــمــايم والفعــول الـهـزالي
ناخذ مع الريضـان جـوله وتـلفـيف=من فــوق جيـب جـاهــز ٍ لارتحالي
ماتصــنعه لاشــك برليــن وجـنيف=ولا لليـهودي فـيه أيـّـة مــجــــالي
من اليـابــان مــورد ٍ لـه رفــاريف=يعجــبك في مشـيه على أيّات حالي
ناصــل به ديــار ٍ ونلقا المخاشيف=بهــن العنــود اسـتـفردت بالخوالي
ولــيا حـصل شـي ٍ ٍبـدون تـصنيف=حقــه طــلق عـبـرود مـابه جــدالي
يــودع عـلى نـار ٍ بحدر العـواديف=الليـل تــوّه وفــات وقــت الــزوالي
وكلـن يـقـوم بواجـبه دون تـكـليف=محـدٍ نشـد عن جـيــمها والسـوالي
فيــها الــونـاسه فوق كل التعاريف=ماتـنوصف بالقـاف وحتـى المقالي
بين الـعلـوم الغـانــمه والسـوالـيف=وبيـن الـذكر والوضـع كــله مـثالي
الــلمز والغــيبه عـنــهـا مصـاريف=ولا ينطــري ياكــود قـــول ٍ حـــلالي
معــهم قـضـيت الـيوم بليا منـاقيف=لاشــك مجــلـسهم عن العيب خالي
والوقـت يمضي بسرعته كـنه الـسيف=مثـــل القــمر ينــعاد بــاول هــلالي
ولايبقى كود أذكـارها تشبه الطيف=وآثــارها تبـــــقى جــــرود ٍ سمالي
ولولا اللي موقّفـني عـنها تـواقيف=لاعيـــــدها في كــل وقــت ٍ طـرالي
مار ان هذا الوقت تجيبه شواطيف=تطـري جنــوب ونوب تاتي شمالي
هذي ســوات الدنيا تاتي تجـــانيف=نـوب ٍ هــماج ونــوب شـربه زلالي
يـــا لله تكافيـنا شـرور الصـواديف=يــالله طلــبتــك ياوســيع الـــجلالي
وخـتامها صـلوا أعــداد المقـاطيف=على النــبي اعــداد شـــيل الجمالي

فهد عبدالعزيز السبيعي العنزي