الشهره أحيانا تسبـب للمشافيـح إنفصـام
===================يعني مثال ؟ يجيك هندي يحلف انه مغربـي
ينسى من خلفـوه ومـن خوالـه والعمـام
====================ويجيك يتفلسف على العالم صلاتي عالنبـي
من بعدها ودي أقول لفارس الشعر الهمـام
=====================الفاغر اللي زاغ عقله في قناة أبـو ظبـي
عوينة المسكين مما شاف من قـد وقـوام
======================قام يتخبط وأنعرض عقله وخربهـا الغبـي
الفاطر اللي سبلت له وأختلف جـوه قيـام
=====================وين البداوه والصقاره نعنبا أمـات العبـي
صرح : جنوب المملكه أشعارها أيـة كـلام
======================قله على ما قالوا الشيبان : إلبخ يا صبـي
إنشد كبار القوم في ربعك ثم إركد ياغـلام
======================وأنا على علم ويقين الكل بيقـول : تهبـي
ذولا الجنوب الله يرجك لا تلحقنـا المـلام
======================ذولا الشعر والمرجله ذولا الكمال اليعربـي
إي بالله وسمر الجبال اللي يعانقها الغمـام
=====================منا خذت معنى الشموخ ومابها عرق أجنبي
ياسعد عين اللي نخانا ثم غدينا لـه حـزام
========================دونه نبيع أرواحنا للمـوت بريـال عربـي
خل الصقاره والبداوه والشعر عنـدك دوام
=====================أركد وشف مستقبلك كب الدحن يا صاحبـي
وأما الثلاث ورب من صلى ومن زكى وصام
=====================لو كان لك فيها مثل تيـا فباأحلـق شنبـي
ياسر التويجري
&
محمد بن عويضه اليامي
كلهم شعراء يمثّلون المملكة العربية السعوديه
وأكيد فيكم اللي بيفزع مع لابته ويقول فلان صادق وفلان غلطان ..
اذا بغيتوا الصدق وانا ماأنتمي لقبيلة ياسر ولا قبيلة ابن عويضه واقول الصدق ولاعلي الا من ربي ...
خطأ كلاااااااام الشاعر ياسر التويجري في حق شعراء الجنوب
وقد يكون ابن عويضه أخطأ في الرد لان ياسر لم يقصدهم بالذات
لكن اهل الجنوب وخصوصاً نجران ديرة ياام معروفه بالشعر الجزل
الشعر عندهم فطور وغدا وعشا ومن ديرة يام هاجرت ناسٍ كثير وتفرّعوا في انحاء الجزيره العربية
يعني مصدرهم الجنوب واصل العرب من اليمن يعني كل القبايل من الجنوب قاموا والا اقعدوا
والكبر ماحبّه الله ولاحبّوه الناس نحب شعر ياسر التويجري لانه عذب لكن مانحب تهميشه لشعراء الجنوب
شعراء الوطن يكفي راكان بن حثلين اكبر شاهد لشعراء الجنوب فهو اصله من نجرااااااان
وبما أن اخونا الشاعر ياسر التويجري معنا في المنتدى يقدر يقول سبب الكلمة اللي خلّت اليامي يكتب قصيده قويّة
والمشكله انه مايعبّر أحد ولايعطي أحد وجه..
بس
من تواضع لله رفعه ...
هذا رأيي ...ورأيي ماأفرضه على أحد ...تقبّلوووووه بصدور رحبه وشرحه ... 
واحتراااامي للجميع ...
مشاعر حالمه