اقتباس:
|
المشاركة الأصلية كتبت بواسطة سلطان السويلم
السلام عليكم ورحمة الله وبركاته
أضع هذه المشاركه المتواضعه بين ايديكم
وعسى ان تنال أعجابكم
يا الحظ قاسمني على الزين والشين = والا ابتعد معاد ابي منك خوه
تعبت أنا يا الحظ وانهكني البين = وميل الزمن عيا يجي با المروه
وش ارتجي وعداي مني قريبين = متربصه والدرب والليل توه
لو قلت ما آزر حسن وقفة حسين = ما قلت طيب الناس ما بان ضوه
يعني بقول السالفه بين قوسين = مات التأخي وسط قلب الأخوه
هذا وانا من روس قومٍ عزيزين = تاريخهم رغم الزمن ما تشوه
بفعالهم وافين حلوين مرين = تشهد لهم جرد السنين المدوه
ماني بحي الله رجل وافتهم زين = يا حظ ضيقي نوب من زود قوه
لولا الحمل ما شفت صبر البعارين = سو الذي تبغاه يا الحظ سوه
. وتقبلوا تحياتي |
الشاعر الرائع سلطان بن عبدالله السويلم
حاولت ان انسخ بعض الابيات ولكن خفت ان اظلم القصيدة
فهي قصيدة لا تقسم ابدا ً
صح لسااانك مدددددددد بلا عددددددددد
مشاركة اولى تجعلنا ننتظر القادم بشغف للشاعر سلطان السويلم
صح لسانك مرة اخرى
وتقبل فائق تحياتي لجنابك .