.
.
حيرتني واحترت وش هي نواياك
كل مانسيتك جيت تعلن خضوعك
عجزت لاافهم بالهوى كيف مبداك
طبعك غريب ونادر الناس نوعك
مرة تجيني قاطع حدود دنياك
تسبق معاذير (البطاء) لي دموعك
في لهفة ٍ منها الوله جاوز إخطاك
وكن (الغلا) مستل سيفه .. يلوعك
ومرة احس ان (الغلا) من بقاياك
ما ضمته بين الحنايا ضلــوعك !!
صار الغياب اليوم ابرز مزاياك
واول غيابك ما يكمّل سبوعك
قلي امانه ريّح البــال وش جاك
لاتنطفي بالحب .. آخر شموعك
مليت صبري اشتكي منك وانهاك
يالله عسى ما صابني .. ما يروعك
هذي حروفي (نزفها) من سواياك
ترجمتها باحساس .. ياصل سموعك
/
/
/
اخاف يوم ٍ مايجي فيه طرياك
وإن جيت ترجع ما يسرك .. رجوعك!!