الاخ عبدالكريم العنزي
شكرا لك على جهودك الملموسه في هذا الملحق وفي جميع ملاحق المنتدى وشكرا لك على نقل هذه القصيدة التي أعتز بها وأفتخر وهي أقرب القصائد لنفسي لكونها تتحدث عن هذا الوطن وقيادته الرشيده000
شكرا لك ولاغرابه بماتقدم ايها الرائع000
اذا بالامكان تعديل عنوان القصيدة فهي ( ملحمة البناء الوائليه)
خيرمبـدأ للمعانـي قبـل مبـدأ الـكـلام=بأسم من مهّد لنا الأرض وأرسى أوتادهـا
بأسمه أبدأ وأبتـدي ثانـي المبـدأ سـلام=سنـةٍ فيهـا رضـى نفوسنـا وأسعادهـا
ساق شوق الفكر جزل المعانـي بأنسجـام=أرتشف من نهرها العـذب عـن نقادهـا
أمطـرت هتانهـا لا ســواد ولا دهــام=الوفـاء برّاقـهـا والــولاء رعـادهـا
عشقهـا وألهامهـا وأخيلتهـا والهـيـام=من عبيـر أرضٍ لهـا غـردت بأنشادهـا
القصائـد لبسـت أجمـل حللها بأحتشـام=مـن معيـن الأنتمـاء تستمـد أمدادهـا
القصائـد روح وأدراك معنـى وأفتـهـام=تكتنزهـا الموهبـه والجميـل أيقـادهـا
تشتعل شوق وطرب كل ماغنـاء الحمـام=للكرامـة للجـهـود لـوفـاء حصـادهـا
نحتفي بالشعـر لاثـار للهيجـاء عسـام=والحمر بـه شرّعـت مرهفـات أحدادهـا
والعرب من فجر تاريخ حام وعصر سـام=أعتنـى بالشعـر فرسانـهـا وأفـرادهـا
في سيَرها الشعرينقش كما نقـش الوشـام=الفرائـد باقيـه لــو فـنـى قصـادهـا
والحضارة غير الأسـلام تظليـل وحطـام=سابـق الأقـوام وش ذلّهـا الاّ لحـادهـا
والوطن روح وجسد روح والعهـد ألتـزام=وتربـة الأرض أم والمخلصيـن أولادهـا
لارفعنـا أعلامنـا بالتباهـي مـا نــلام=نفتخـر وأمجادنـا حاضريـن أشهـادهـا
مر قرن من البناءوأعتلـت نجـد السنـام=عاشت أبهىعصورها تحت ظـل أسيادهـا
أجمل التبريـك لأهـل المكـارم والكـرام=عامريـن الــدار حامينـهـا قيّـادهـا
نور نجد وشمسها عـن دياجيـر الظـلام=أسـرةٍ فـوق الثريـاء تشيـد أمجادهـا
ماجحـد تقديـر فضـل الكـرام الاّ اللئـام=والمكـارم ماحجـب نـورهـا جحـادهـا
كلنـا شعـب وقيـادة تفانـي وألتـحـام=أمـةٍ لحفادهـا المـجـد ورث أجـدادهـا
من عشق نجد الشيم. الوطن عشقه وسام=كـل روحٍ بالـولاء لـه يفـوح أقنادهـا
أرض طيبه وأفضل الخلق والبيت الحـرام=أرض من ذادواعن أسمى الشيم وأبلادهـا
المعارف غرب شرق أوجنوب أوكان شـام=ساسهـا الأول هنـا مـن هنـا روادهـا
فخرها اللي زال عنها التناحـر والصـدام=وعـاد هيبتهـا وعنهـا المطامـع ذادهـا
نجد كانت قبلـه أشبـاح وأطـلال وركـام=مستذلهـا ترتجـي حيّـهـا وأحفـادهـا
عاشت أحداث ونزاعات وحروب وخصـام=وأرتوت ظلم وعن المجـد مأحـدٍ حادهـا
أنتشـر فيهـا فسـاد المذاهـب والاثـام=والفتن والخوف والجـوع جـوه سادهـا
بين سلب ونهب وأحيـاء مآتـم وأنتقـام=هامده والحـرب يقـدح شـرار ازنادهـا
ما أطمئنـت نفـس فيهـا ولاعينـاً تنـام=كل ما أطفوا نـار فتنـه سعـوا لأيقادهـا
القضى اللي بينهـم بالسيـوف وبالسهـام=والشتات أفنـى الأمـم والجحـود أبادهـا
المنابـر هدمـت لاصــلاة ولا صـيـام=و(كاد يرجع) عصر قتل البنـات وّوادهـا
في ثراهـا يسفـك الـدم وأجواهـا كتـام=خاويـات عروشهـا مطلقـات أصفادهـا
صمتها حزن وعباراتهـا ألـف وميـم لام=لأجل أملهـا المنتظـر عانـدت ضهّادهـا
بأنتظار اللي يجيهـا لـه أخبـار وعـلام=صابـره مستصبـره غارقـه بأنكـادهـا
حلمها أقرب للحقيقه من أضغـاث الحـلام=كنهـا فـي غيـب الأيـام تـم أرشادهـا
وبين تضميد الجـروح العتيقـه والسقـام=بشروها والنواهل لهـا أعفـاء أغمادهـا
قبل عام ألف وثلاث أمئـه بسبعـة عـوام=فجرهـا.. تاريخهـا.. عتقهـا.. ميلادهـا
فجر عهدٍ فيـه للظلـم والجـور أنهـزام=لاح بـارق غيـث نجـد بنفائـح كادهـا
فجرها تاريـخ ميـلاد مـن للعـدل أقـام=قبـل تغفـي عيـن مـن ذلهـا بأنوادهـا
طوحـت لـه بالظفائـر ولـدت بأبتسـام=شافت أسلاف البشائـر تحشـد أحشادهـا
تدري أنه لأجلها عن جميـع الغيـد شـام=مثل ماهـي بـه تغنـت وهـي بمهادهـا
عشقته منسوعت الجيـد باهيـت القـوام=عندليـبٍ متـرفـه وأتعـبـت طـرادهـا
عاهـدت وأثنـت مواثيقهـا والعهـد دام=كم لهـا أبـدى مغـرمٍ بالحيِـل ماصادهـا
نورهـا معشوقهـا بدرهـا نـور العتـام=جالها وأبـدى لهـا كيـف كـان وفادهـا
غاب عنها لأجلها جالهـا عشـق وريـام=أفتداء بالـروح عـن ضيمهـا وأزهادهـا
جالها معه أربعين وصفاء ايمـان وحسـام=فوق زرفاتٍ لهـا الأرض يهجـر مادهـا
مسرجـاتٍ فـج الأزوار عجـلات المهـام=ضمراً حـذرات عـوق المـدى فدفادهـا
هيف كالأقـواس هـوجٍ هجاهيـجٍ همـام=معفيـات لسـاعـةٍ طـائـلاً مسـرادهـا
مرهياتٍ والمحاقـب مثـل لـون الرخـام=من مساريـد المسافـات شيـب أبدادهـا
جن بكـل مجـرّبٍ ليـث صنديـدٍ غـلام=خلـف شيـخٍ خطوتـه كائـدٍ ملكـادهـا
مجنبيـن سيوفهـم لاشـراب ولاطـعـام=بين خوف وجـوع نجـد ولهـب وقادهـا
لاحضب ليل الدجى شد للمسـرى الحـزام=عـن نظـر نقالـت أخبارهـا ردادهــا
وقرب (عد رماح) للشرق من روضة خزام=خالفـوا صـدر العـدود وقـرب ورادهـا
مع فـروعٍ مابهـا الاّ الجـوازي والنعـام=كـائـدٍ محـدارهـا كـائـدٍ مصعـادهـا
ووصلوا أرض( مغرزات) وحدوهن بأحتدام=مسندين لخشـم ضلعـن تعلـى أوهادهـا
وردوهن ( هيت) منهـل هماهيـم الجهـام=قبل فرزت من على هيـت تـرد أذوادهـا
وأدمسوا والسيف عن شذرته فـك اللجـام=وأحضروا والسبـر للقصـر تـم أيفادهـا
وأكمنوا غرب الجبل لليلهم حتـى المنـام=أهتنت بـه كـل عنينـاً هنـت برقادهـا
وأرسلوا سبر وبقى ثلث والثلـث أقتحـام=خطـةٍ مـن رأس شيـخٍ عنـا بأعدادهـا
وباغتوا خصمٍ له القصر ملجاء وأعتصـام=وأكمنوا حتـى أنتهـت جلسـةٍ يرتادهـا
وبعد ماأقبل حس بأمرٍ خفي وأدبـر شمـام=وأنتخاء من قـال أنـا غيثهـا وآنجادهـا
أعتزاء وأنقض وأهواء أخونوره بأنصرام=أبلـجٍ متوشـحـن بنـدقـه وأجنـادهـا
أرتوت شلفاه وأسقى الظوامـي والحيـام=وثبت الشلفاء علـى البـاب كـفٍ جادهـا
وعام عشر وتسع وألف وثلاث أمئه تمـام=من سيـاج الظلـم فـك أسرهـا وقيادهـا
أشرقت والملك والعـدل وأعتـاق المظـام=ردده صـوت المنـادي ثـلاث وزادهــا
الحكـم والملـك لله والـشـرع أحتـكـام=ثـم لأبـن سعـود عبدالعزيـز أمرادهـا
فـزت ريـاض المحبـه وذبـت للـثـام=وأحتفت باللـي وصـل مانسـى ميعادهـا
وأستلم نجد الكرم غيثهـا خيـر أستـلام=وبايعـوه أبطالهـا وأحتسـب لأنـدادهـا
آمن الخايف ومـن بايعـه بأمـن وسـلام=سامحـه والسابقـه مانـشـد نشـادهـا
ومن رياض المجد قاد المسيـره بأنتظـام=تحت راية من بناء الأرض وأرسى أطوادها
دعوتـه توحيـد كلمةوجمعـاء وألتـحـام=وأستعـادة نجـد وآمانـهـا وأحيـادهـا
مهـد مجـدٍ عاهـده لايبـاع ولايـسـام=ملك أباء وأجداد يحفـظ رفـات أجسادهـا
وأقتضت حكمة عليـم الخفـي رب الأنـام=وأعلنـت نجـد العذيـة عليـه حـدادهـا
عل روحه عن لضى النار في برد وسـلام=في منازل صفـوة الخلـق خيـر عبادهـا
والأمانـه باليـديـن الأميـنـه ماتـهـام=حافظينـن مجدهـا معتلـيـن شـدادهـا
جالها(سعود) وتفانى لهـا عشـق وهيـام=صانها عن كـل مأضمـر لهـا حسادهـا
وأعتلاها(فيصل)المجـد والعـدل أستقـام=شاد نهضتها الفتيـه وغـاض أضدادهـا
وجالها(خالد) وخالـد كمـا غيـث الغمـام=رمزهـا رافـع علـم نصرهـا وأعمادهـا
وقادها اللـي قادهـا للنهـوض وللأمـام=ساس نهضتها الحديثـه وسـر أيجادهـا
الزعيم اللي لـه العالـم أذعـن بأحتـرام=خـادم البيتيـن فخـر العـرب وأسنادهـا
الفهـد والمجـد والعـز والرفعـه وئـام=غيثهـا نقّـاض صعـب العّقـد عقادهـا
والله أن صدورنـا لـه مقـر ولـه مقـام=وكل نفـسِ بالـولاء لـه يديـن فؤادهـا
والعضيد اللي على العهد مأمـون الذمـام=مكـرمٍ لـه عـادةٍ بالسبـوع أعتـادهـا
أبومتعب سيـف نجـد وحجاهـا بالزحـام=ذخرنـا فـي ساعـةٍ مسرجـات أجيادهـا
وأن بدأ نـذراً تـوالا سحابـه بأنهشـام=وأرسلـت وأستقبلـت بالعلـوم أرصادهـا
مالها الأ من لهـا نـور لأعداهـا حجـام=سورها سلطـان لأوحـت بطـول آمادهـا
وأمنها نايف الياأبـدت قضاياهـا الجسـام=عزهـا بأحداثهـا السابـقـه وأجـدادهـا
في حمى نايف عن أطماع طامع وأغتنـام=آمنه عنها الفتـن كـم سعـى بأخمادهـا
وأن تجلّت بيـن منطـق حقيقـه وأتهـام=فـي ذراء سلمـان تأمـن عبـث لهادهـا
بيـن سبابـة يمينـه وضعهـا والبهـام=شمسها نـور الريـاض وحفيـد أتلادهـا
ياوطـن ياقيـادة الشعـب ياعـدلٍ يقـام=عطّـر التاريـخ وأهـل الفتـن بأحقادهـا
والصلاة أختامهـا وأقبلـوا قبـل الختـام=عبق زاكـي هيلهـا فـاح ريـح أقنادهـا
اكرر شكري وتقديري
كل والود والاحترام