[عبدالله عشوي]

المشاركة الأصلية كتبت بواسطة سعد النفج

امتنعنا عن فرحنا والمفـــــارق لا يطول..

لا يطول البعد تكــفى والجروح افطن لها..

افطن لجــرح(ن) تعلق بالخفوق و لا يزول ..

ما يـزول ولو تزول جبال حــــايل كلها..

ارحم اللي شاف منكم رعب.. واهوال.. و ذهول..

و التفت له يوم روحه بالقهر محتلها ..

أثقل ليا شفت غيرك بس أعانقك مهبول ..

أنت وحدك من تدوس برايتي و تذلها ..

آسر(ن) روحي بسحر اخلاق و لسان معسول ..



جامع(ن) كل الحلا وسوالفك ما املها ..

والله اني ما نسيتك لو تقول اللي تقول ..

لا تغـيّــبك الظنون وتختفي في ظلها ..

و دام ورد الحب يشكي بعد ما غبت الذبول ..

أسقه افراح اللقا و غصون حبك بلها ..

و اشهد ان ظروف وقتي عن لقاكم ما تحول ..

و لو تحول جبال سلمى بيننا لا اشلها ..

و لو انتخت (سلمى) بـ(إجا) ما جيت انا معلن عدول..

راسي(ن) من شان عينك وانت عينك قل لها ..

قل لها يا مولعتني يابعد كل الفصول ..

وقل لها سعد تعنـــا والمدامع هلها ..

تدري ان الحل عندي .. حل ما غيره حلول ..

تجلس بجنبي و اســولف والسوالف فلها ..



سعد النفج ( الذهب الذاهب )

اخوي

سعد النفج

الله لايهينك

قصيده طيبه من راس طيب

لك

اخوي صادق تحياتي