اقتباس:
|
المشاركة الأصلية كتبت بواسطة حـمد بن فتان
ليت لي ذود وارعاها على كـل عـود=آتلهوى بهـا بـارض الله الواسعـه
في خلا ما تجيـه الا نسانيـس نـود=والمخاييـل والا قـمـري ساجـعـه
والضبا اللي تحوز من الغبـا لنفـود=مارعت فـي مهـاذل ديـرة جايعـه
وان حصل ذود والا ليت لي نصف ذود=عندي احسن ولا دكتور في الجامعـه
ماتمنيت شـي الا ولـي منـه فـود=آعرف طب قلبي واعـرف آصارعـه
ان تصعب عليه الماء القراح البـرود=ماانقصر منه لوان يكسـر الشارعـه
وان تسهل وكثروا فوق جالـه ورود=خذ طراتـه وخـلا همجـه لطامعـه
ميزة مكتسبهـا مـن وراثـة جـدود=ماكسبها مـن آخـر شلـة ضايعـه
له طموح على العليا ومرقـا السنـود=وده يشـرف المبـدا مـع طالـعـه
والصداقه مـع البّـوار والا الجحـود=حبلها الرث من مبطي وهـو قاطعـه
والغلايب من الكسـلان والا الرقـود=دربها ماتجـازع لـه مـع جازعـه
وده يكون ويحاول لـو انهـا جهـود=يقطعـش ياقلـوب مالهـا رابـعـه
تشتكي من بعض لاشيا وهي ماتكـود=وان تراكت لها تبطي وهـي ضالعـه
جعل قلبي يلي هـو مثلهـا بالركـود=يقطع الله وريده قبـل مـا آطاوعـه
وجعل قلبي يلي فرّع لخطـوا عنـود=بعدما كنـت احـاول فيـه وآفارعـه
مايطـوّل ويتركـنـي بلـيّـا ردود=يذكر ان لـه خـوي ماهـو ابّايعـه
حافظه من هوى الغادر وعين الحسود=بالفلق والصمـد والحمـد والقارعـه
آبغى ليتضايق يرتعـي نصـف ذود=ايتلهوى بهـا بـارض الله الواسعـه
|
الاخ العزيز حمد صح لسانك امنيه غايه في الروعه وقصيده اروع كذلك
سجل اعجابي وتقديري
اخوك سلمان الردسا 000000000000000