الله عطاها من الحلا ماعطاها = بنت ٍ صغيره كلها ذوق في ذوق
ان شفتها تشتاق بوسة شفاها = ولاظنتي توسع نظر كـل مخلوق
وليا بكت ضاق الفضا في سماها = وليا ضحكت تزهر نباتات وعذوق
سمارها اللي زاد فيها حلاها = او صوتها اللي فيه نبـره من الشوق
تشبه لطلات القمـر من سناها = وتشبه شعاع الشمس في حزة شروق
ناديت "فجر" وجات تسحب خطاها = وياأرض حني من تحت "فجر" برفوق
لاصار تلبس كل شي ٍ زهاها = وتلبس حلاها مثل ماتلبس الطوق
ومع كل يوم يزود فيني غلاها = ماكنها إلا "كنز" والقـلب " صندوق"
والله عطاها من الحلا ماعطاها = حتى قدرت تجمع من المـلح والذوق
من كلماتي .