[علي الرماحي]

الله عطاهـا مـن الحـلا ماعطاهـا
بنت ٍ صغيره كلهـا ذوق فـي ذوق
ان شفتها تشتـاق بوسـة شفاهـا
ولاظنتي توسع نظـر كـل مخلـوق
وليا بكت ضاق الفضا فـي سماهـا
وليا ضحكت تزهر نباتـات وعـذوق
سمارهـا اللـي زاد فيهـا حـلاهـا
او صوتها اللي فيه نبره من الشـوق
تشبه لطـلات القمـر مـن سناهـا
وتشبه شعاع الشمس في حزة شروق
ناديت "فجر" وجات تسحـب خطاهـا
وياأرض حني من تحت "فجر" برفوق
لاصار تلبـس كـل شـي ٍ زهاهـا
وتلبس حلاها مثل ماتلبـس الطـوق
ومع كل يـوم يـزود فينـي غلاهـا
ماكنها إلا "كنز" والقلب " صنـدوق"
والله عطاها مـن الحـلا ماعطاهـا
حتى قدرت تجمع من الملح والـذوق

الله عليك يالعواجي صح السانك

ياخي وربي أنت مبدع ياليتني أقدر اتغزل مثلك هههههههههههه





إِنْ غاب صوتك حياتـــي مَاتَحَمَّلْني

.......... وإنْ جيت ضَيَّعْت بك شوقي من جْنوني


أشتاق لِـرْضَـاكْ وإِنْت اللي مْزَعِّلْني

.......... لاضاق خَـاطِـرْك ضاق الكون بِـعْـيُوني