بعد التحيه الطيبه
اضع هذه المتواضعه بين ايديكم علهاتحوز على ذائقتكم الشعريه 0000 مع كل الود والاحترام
ياقايد الغزلان هديتني هد=وروحي تراها من هواك بخطريا
ذبحتني يانايف الطول والقد=يابو خديد مثل لون القمريا
ادخل على الله يالغضي واترك الصد=صدك بصدري مشعل به جمريا
ابطيت لامرسول لاحس لارد=وانا بعقلي تايهات الاريا
صبري ترى يازين ماعاد به حد=وصلت حدي لين ضاق الصبريا
خطاك يالمجمول وشلون ينعد=بريت حالي منك ياشوق بريا
حالي من افراقك نحل ليه تبعد=عقبك حبيبك من فراقك ضمريا
انا من اسباب الهوى دوم من لد=ليا متى منك المعاليق عريا
حبل الوصول ارخيه ياهيه واتشد=سلمت قلبي لقلبك اللي كفريا
ليه انت لحالي دايم الضد بالضد=مع ان حالك بارزل العشق دريا
يالعن ابو جدك على خامس الجد=لا ابو وصوف من الحلا حيل مريا
ماشفت مثلك ناعس الرمش مع خد=حتى بخيالي مايجي منك طريا