ساحل/خبر/شاطي/حرس/مركز حدود=عادي/فري/ الوضع/ سكان حاره
مركز أمن/قـــــــف/أنتبه/ضابط/جنود=رخصه معي/بس انت معك استماره
في موقفن قمت احسب انقص والزود=الخوف/ خذها في صريح العباره
بالله عــــدت/ يعنــــي سهود ومهود=قبل انتبه كان انتباه الخفاره
باب ومآسي سود وعيونها سود = اليوم الابيض بينٍ من نهاره
مشهور والكزس وانا000واربع شهود =كان النصيب( لداليا) ياسماره
كني على هذا اللقاء تو مولود = ياما أنتظرته بس طال انتظاره
بشويش ( يامبارك ) لياقلت مسعــود= ماني معك سرحان بعيون ساره
الصوت خل الصوت مع نغمــــــة العود = بعيونها (خالك) تعثر مساره
حلت قيود وعقــــدت فيني قيــــــود = وانا احسبن الحب عدى قطاره
ترى العمر نهايته يوم محدود = إما يجينـــي ربح وإلا خساره
للصبر يانفسي مقاسات وحــــدود= الصمت عنوان الحزن بالتجاره
وضعي طبيعي بس ماكنت موجود= اثر المصيبه كانت عيون ساره
الشاعر القدير عبدالله حجيلان
صح لسانك وسلم بنانك على هذا الرائعه التي لاتستغرب من شاعرفي حجم عبدالله الحجيلان
الذي عودنا للجزلات دائماً وتقبل تحياتي واحترامي ياأبا خالد
ويسعدني ان اكون اول من صافح هذا الرائعه
ودمت في رعاية الله .