موفقـه خـيـر .. والله لايهـيـن الـغـرام
اللـي جمعنـا عـن عيـون الاودام ســوا
صحيح مشتاق لـك .. لكـن علـيّ الحـرام
إن وصّلـت عنـد هـذا الحـد / مالـك لـوا
قبل أمس مالي علـى طـاري فراقـك عظـام
اطيـح وأقـوم .. لا حيلـه ولا لـي قــوا
واليوم ابشّرك .. نار البعد ..( برد وسـلام )
لو خاطـري مـن ينابيـع الهـوى .. مـاروا
تبيـن عـاد الكـلام اللـي عليـه الـكـلام
النفس طابـت وشامّـت عـن دروب الهـوا
وإن حّن قلبي على الماضي .. عليـه المـلام
حتى ايش لو إن بعدك ( داء) .. وقربك ( دوا )
تذكّـري مثـل هـذا اليـوم فـي كـل عـام
وتذكرينـي .. وشّبـي لـي شمـوع الـنـوا
ماعـاد لـك عنـدي الا الــود والاحـتـرام
والا علـوم المحبـه .. لا .. ولا لـك لــوا