[خلف فلاح الحمرون]

المشاركة الأصلية كتبت بواسطة حسين الهوران

اهــداء للرائــع/يـــــاســــــر التـــــــويـــــجـــــــري

الخوف والله ماحسبْنا له الخوف= إلاّ من الّلي نعْبده ياأجوديّه
وشْلون أخاف وعزْوتي كلها سيوف= وشْلون أخاف وعزْوتي وايليّه
مْلوك بالدّنيا وفرسان وحتوف= (ذيقار)مجْد أجْدادنا الأوليّه
حنّا على أهْل الكون كلّه بنا,نوف= حنّا الكرم والجود وأهْل الحميّه
العيْ لامن شافنا صار معْسوف= وأقلّنا,ماقيل عنْه الرديّه
من وين ماسرْنا بنا المجْد مرْدوف= ياويل من هزْناه يصْبح ضحيّه
ترْحب مجالسْنا إلْيازارنا,ضيوف= ويزيد ترحيبة شذى الشاذليه
حنّا هل الفزْعات مانعْرف إنْكوف= وحنّا الصّخى وحنّا جزال العطيّه
العزْ,في وايل على كليب موصوف= مقولة التّاريخ ماهي خفيه
حنّا هل المعْروف لأصْحابنا ريوف= ودخيلنا,لحماه نصْبح فديّه
مايوم خنّا,العهْد وإنْعفْ ونعوف= نعفْ عن قوّه وعن مقدريّه
مانخْضع لذلّه ولاضامنا,ظروف= من وين مارحْنا,ملكْنا,الفضيّه
ننْصب كنّا السّيل من ضايق جروف= لاصاح صيّاح النّخاوي,عْنزيّه
سيوفنا نفرّق بها صفوف وصفوف= وأردى عنزي بالكون يحْسب سريّه
يخاف منّا الدرب لوكان محفوف= ويهابنا,ثقْلينها بالوطيّه
تاريخنا سجلاّت وأمجاد وحروف= من جدّنا وايل لتالي السّميّه
خل الذي ماشاف يرْهي على الشّوف= ويتوب ويصلّي على أحمد نبيّه
أسْألك بالله كيف ياصلْني الخوف= دامي خليجي وعزوتي وايليّه

الشاعر المبدع\\ حسين الهوران
صح لسانك يالجزل على القصيده الوافيه
امتعتنا بهالرائعه
الله يسعدك
تحياتي لك