[مشعل الضوي]

السلام عليكم ورحمة الله وبركاته


اعزائي


هذه قصيدة ردا ً على الشاعر سلمان الردسا وهي على الرابط التالي


http://www.weelan.com/vb/showthread.php?t=4327



على امل ان تحوز هذه المتواضعة على رضى سلمان ورضاكم جميعا ً واعذروني على التأخير لعدم دخولي المنتدا بالشكل المستمر

البارحة ليلة من احلى الليالي = جتني مناديب القلوب النقيه
جتني رسالة من كريم السبالي = من راعي الوقفات راع / الحميه
ورحب بها فكري وقلبي وبالي = ترحيبة بالعود والشاذليه
ونظمت من فكري بيوت ٍ جزالي = وغنيتها بلحونها السامريه
نظمت قافي لجل قرم العيالي = اللي يحوز الطيب والشاعريه
شاعر ولا ينطق بيوت ٍ هزالي = ما يبتكر غير البيوت القويه
لا جا لشعّار القصايد مجالي = عدوه من ضمن اهل الافضليه
عرفه رصيد وخوته راس مالي = خوة وريث المرجله فخر ليه
سلمان نسل المجد ذرب الافعالي = من نسل قوم ٍ ما تحوش الرديه
عيال وايل محتمين التوالي = اهل الفعول النادرات النديه
مكانهم من ماض / الازمان عالي = كرمهم الله فوق كل البريه
ياهاجسي من بعد نظم الجزالي = وصل بيوتي يم نجد العذيه