اقتباس:
|
المشاركة الأصلية كتبت بواسطة ماجد الجعفري
الأخوة والأخوات الكرام
السلام عليكم ورحمة الله وبركاتة
اليكم هذه القصيدة المتواضعة
والتي هي بحق أنسان يحمل من الصفات الكريمة والخصال الحميدة الشيء الكثير
وهو الأخ العزيز والغالي
تركي الصالح
اليكم الأبيات
السلام أبرسله واعظم تحيه=لرجال اللي تنخا لرجالي.
الرجال الوافيه اهل الحميه=ومنبعٍ لطيب من أول وتالي
اقصد الي صورته بالقلب حيه = ابو صالح معلمٍ لطيب عالي
نسل حر بالكرم مافيه زيه= وارثٍ هالطيب من عم وخالي
مامشى درب العفن والا الرديه=كاسب الطولات مع كل المعالي
داخله في داخله نفسٍ بهيه= والتواضع مالكه مع وسع بالي
هذا تركي عزوته الوايليه= من نصاه بشيء مايرجعه خالي
ماهو بالي ينهزم يترك خوية= لالقاه ابهم عنه الهم شالي
ينحشر لو صابته أية أذيه=ولاأختفى عنه يبادره السؤالي
طيب الأفعال مابه سوء نيه=لاذكر هالطيب يأتي له مجالي
باذلٍ للطيب بيدينٍ سخبه= طيب بالفعل وفي شخصه مثالي
أطلب الله يحفضه من كل سيه=وكل هم جاه لعله يزالي
مدحته والله ترى حقٍ عليه=و لو أزيد المدح ماوفي مقالي
ماأضني مرتكب أية خطيه= وماذكرته ماهو بنسج الخيالي
هذا ماشاهدت والمسه ابيديه = ابو صالح غير في كل الفعالي
والله أنه لو طلب عمري هديه =ما أقول أنه بحقه شيء غالي
وسلامتكم
وألتمس منك العذر يابو صالح على التقصير
|
الشاعر المبدع
ماجد الجعفري
صح لسانك ملايين
قول وفعل يالجعفري
واما القصيده ماقدر اقول اللاصح لسانك اخا ف اقول شي مايوفي قدام هالجزله
وابوصالح يستاهل كل علم زين
تحياتي لك