،،
بكـى الغـرام .. وسيّـل دمـوع القصيـد .. بمكتبـي = كل حرف يُــدعى ابجدي .. ( اسـمـاء ) لوعـه بكّتـه
الفاتن .. اللي تستذير .. من الوصل مثل .. الضبي = لـرضاتها .. سبك المشاعر .. بالقصيد وحبكتـه
قبـل اتعشـى قلبهـا .. تغـدت بقلـب الصبـي = وقامت " تفرّمت " ذاكرة فكـري وترسـم سكتـه
تغلغلت بيـن المحانـي ..وسـط قلـب ٍمنصبـي = دكّت به الثلثين .. وش ثلثيـن .. كلـه .. دكتـه
صارت عواطف قلبها .. من عاطفة قلبي .. كبـي = كل ضلع في صدري .. مشاعرها الرقيقه .. حكته
تقبل .. جليلة بكر .. وانطحها .. كليـب التغلبـي = مــا احــس .. يــوجـد غيرها .. انثى ؟! بـقلب ٍ ضكته
عقب الجفا .. لا شفتها بأحساس شاعر .. شرعبي = واحكيلها ذنب الجفا .. وشلـون كانـت ربكتـه ؟!
احيان اقول : ان الغرام اللـي تملكنـا غبـي = واحيان يعجزني دهائه ..واصتدم فـي حنكتـه
واقول : في نفسي وراها .. ما تداري .. لتعبي = للحين ؟! قلبي رغم نزفه بالغلا .. مـا زكتـه
واثق بحبي عندها .. وادري غلاهـا مركبـي = لكن مصيبة قلبهـا .. ينبـض بزايـد شكتـه
،،
أخيـر مـره شفتهـا .. بالموقـف الصعـب الهبـي = جابـت ..صـوّر لحفـل ملكتهـا ..وقلـبـي ذكـتـه
قعدت اقلبهـا .. وصحّـت غيـض .. فينـي مختبـي = وقامت تسولـف لـي .. طريقتهـا بلبّسـت شبكتـه
وأنا بوجهي بسمـة ٍ صفـرى .. ونـاري بـأحطبـي = وتقووول : حط إيده على " كتفـي " .. بليلـة ملكتـه
احيييييييييه .. يا قلبي من العشق الشقيق .. الأجنبـي = كن الرضى .. ضد الزعل .. بالقلب .. واعلن .. عركته
هستريا .. صدمة مشاعر .. والكـره فـي .. ملعبـي = والبعد .. توجع فركتـه ..والقـرب .. توجـع فركتـه
قلبي يبي .. وعيون عقلي بعـد مـا شافـت .. تبـي = وهّي .. تبي .. تبي .. تبي .. والشوق .. بانت لكتـه
بكـى القصيـد ..وسيّـل دمـوع الغـرام .. بمكتبـي = والقلـب .. عند (( الـسـّـوم ))زفـرات المشاعـر .. ضكتـه
بــــــــــــــــــــــــــدر ،،