اقتباس:
|
المشاركة الأصلية كتبت بواسطة سلمان الردسا
الاهداء الى الاخ العزيز / عبدالمجيد عبدالله التويجري ... وجميع ابناء عمومتنا التواجر ... مع التحيه والتقدير
انا احمد الله كل ماجيت في حال=عندي رصيد الشعر يملا له ابنوك
اكتب من الجزلات والغيث همال=مفوه بفضل الله ولا اقول مركوك
لا جيت ابي امدح ماعلى المدح مدخال=الا على ناس بها الطيب مشروك
بعيال وايل يقصر المدح لا انقال=وآخاف شعري يطلع شوي ياخوك
بعيال عمي صغت جزلات الامثال=ياشعري اطر اللي من الناس حبوك
با آل التواجر قلت واعلنت يا ارجال=ما اقول بيت الا يجي البيت محبوك
مالي ورى مدح الوفيين موال=لاشك هم ياقلب للطيب ضروك
المعرفه ياخوك ماهي بالاموال=اغلا من الصراف والشيك والبوك
المعرفه تغنيك لاضاقت الحال=لا صار لك عزوه ترى ما انت متروك
وآل التواجر وسمهم مابه اجدال=مغزل على الغارب ترى مابه اشكوك
ولادعه من صلب ويلان ياعيال=وانشد يبه يالليد واعرف من ابوك
ذولا بني عم وعلى راس منزال=نسل عنزه تفخر بهم كل ماجوك
بس الدهر ما بيننا وبينهم حال=حالت ظروف الوقت والباب مصكوك
اليوم من فضله صفت كل الآمال=حنا بوطنا اللي به الخير مبروك
في دار ابو متعب وللخيل خيال=اخوان نوره لاغدى الوقت مضكوك
وصلاة ربي عد ماسيل وسال=واعداد ماينبت من العشب والشوك
سلمان بن خالد الردسا ..... |
لاهنت
يابوخالد
لاهنت
شاعر متميز
واكيد يستاهل
عبدالمجيد
هذي الشامخه
تقبل اخوى فائق احترامي