مساكم الله بالخير
لا دار الفنجال بوسط الرجال المناعير واستوى الكيف الكيف الاشقر
وانعدل خوى الراس تزين السوالف اللي بها يتعطر حاضرنا ومقبل
ايامنا؟!
من هالمشب ادعي كل راعي علم غانم ياخذ له فنجال من دلال الغلا
ويقدع من التراحيب صافي خلاصها...!
هذا ياطويلين الاعمار به واحدا نزله بيتين ينشد عن اللي قالهن باحد المنتديات
والبيتين هن "-
شفي ثمانين خيالي *** معهم ثمانين مردوفه
مابين عقيل وجهالي *** عقيدهم فوق ملهوفه
تكاثرت الردود عليه ومن ضمنها كان رد لاخوي غازي نومان الواطي
اورد ان به قصيده لجده الله يرحمه (( محمد مدان الواطي )) مشابهه لها
او قريبه المبنى من البيتين المذكورت !
اورد الابيات الي تقول :-
انا اشهد ان النوم مـا يستوي لي ***والذيب مـا يرقد ليا منه جــاع
النوم يصلح لاأم قـرن طــويلي***تستــدن وســادهـا بروس الاصباع
خانـة الدين بها عدل وميلي ***غـدن شتات وهدم(ن) الاربــاع
وانا اشهد ان المهـونة ما تستويلي***الا ومرة مابيـن عبد وصناع
هذا وسلامتكم يالربع.....
(( اخو شاهه / صالح العرجان ))