[عويد القعقاع]

من نبض فيه الوفا ما نبض فيه الغدر= بالشكوك المظلمة هالبشـر وش قومهـا
عينك اللي ناظرت فوق لا تنظـر حـدر = لاجل تفرق صالح الفكر من مسمومهـا
كان تجهل وين كرسّيك بعرش الصـدر = عيب نفسك عقب عذري تـردد لومهـا
العذر يجلب كدر والتجاهـل بـه كـدر = يانفوس(ن) تلبس الشك لبس هدومهـا
ولا انا واثق ولا اسمع حكي وجه(ن) ودر = والنشاما لامّش لك تصون سلومهـا
البخيت اللي ليا من نوى الصـده قـدر = مـا تـرده للمشاعـر زفيـر همومهـا
وانت جنسـك يعلـم الله ما قـّل ونـدر = وانت تفتح للقصايد جديد علومهـا
بس هذي حسنتك حين تفكيرك خـدر = سيرتك حدت بنات الفكر لعزومها
لو بشوف اللي نزفته لمرضاتك هدر = قلت انا بيض النوايا مطوّل نومها
كل ماحاولت بأزرع بقربك ليّ سدر = ابتلشت بشكة(ن)ا نابت(ن) زقومها
وانت لـو ما تّحرفك شكتـك للمنحـدر = ماتشوف صيامك اليوم مفطـر ثومهـا
وانت محروم(ن) بقالب غني(ن) مقتدر = الله يعينك مع الناس يامحرومها
ولا انا مسامحك لو بدر مهما بدر = عّل نفسك لا صحت ينعدل مفهومها