اقتباس:
|
المشاركة الأصلية كتبت بواسطة زياد الشمري
الشـمس غـابت والفضا سـاده الليـل =ليـل ٍ يـذكـرني حـبيب ٍ نـسـاني
ليـل ٍ إذا شفـتــه أشـوف البـهـاذيــل =واشـوف هـمي لالفا الليل جاني
معنى كذى كل يوم أعاني من الويل =كل ماتغيب الشمس احزن واعاني
أداري احــزانـي واردد مــواويـــل =وارثي غـرام ٍ في حـياتي بلاني
أدور الــخـِـلان ويـــَّــا الـتـعــالـيـل =يمـكن تـنسِّـيني حـبيب ٍ جـفـانـي
وازيـن دلالـي واصـف المعـامـيـل =واشعل حطب ناري ولاحدٍ حداني
واشرب من قـهوةٍ بها البن والهـيل =ألـهِّـي بـروحـي عـن اللي رماني
أحـيا وانا ودي حــيـاتي تـسـاهـيـل =ولو ضحكت سني غرامه بكاني
لاصرت انا وحدي دموعي هماليل =وضحكي لو يطـِّول خذاله ثواني
ماينفعـن كـثـر الحـيـل والتحـايـيـل = هـمـي نـوانـي ولا نـواني لفـاني
عـقـبه طـفـت أنـوارنـا والقـنـاديـل = وفي غيبته ضاعت جميع الأماني
من غـيـبته لاماجـنـينا المحاصيل =وانهدت صروح الغلا والمباني
كن الشجر بعده عن اغصانه يميل =وحـتى الحـكي دونه بـليا معـاني
بـكـيـت ودمعـي ماحـوته المناديل =مـن سـبـة غـيابه تحـطم كـيـاني
ليـتـه يجـيـني بـالليالي المـقـابـيـل =ويرجع على قلب ٍ طواه الزماني
وسلامتكم |
رائع دائما ومبدع دائما ياابوعرب
استاذ في الشعر وفي الجزالة وكذالك في توضيف الكلمات حتى خرجت لنا هذه الدرة الجميلة
الله يعطيك العافية على هالقصيدة وحق انها من اجمل ماسمعت في قصائد الفراق يارائئئئئئئئئع
اخوك --------------ســــــــــــــــــــــــــالم