ياصاحبي يابو الدلع يأغلا حبيب
ــــــــــــــــــــــــــــــ ( يـامَــنْ هـَواه أَعـَـزَّهُ وأذَلــَّـنـي )
لايدخلك من غيبتي شكٍ و ريب
ــــــــــــــــــــــــــــــ لاصرت تطويني غلا وتفلّني
ابك انت عندي راس مالي والنصيب
ــــــــــــــــــــــــــــــ غلّيتك فـ عيني فـ عينك غلّني
وان غبت عنك يوم او ليله اجيب
ـــــــــــــــــــــــــــــــ تنهيدتين ودمعتين اتبلّني
واعيش وقتي بين لوعات ونحيب
ــــــــــــــــــــــــــــ وطيفك يجي فجأه كذا ويتلّني
ولا آخذ الا آنا من انفاسك قريب
ــــــــــــــــــــــــــــ لابــوصله ولاطريــق يدلّنـــي
يأغلا من عيوني .. ياصوت العندليب
ــــــــــــــــــــــــــــ تعال من دافي جروحي سلّني
وان شفتني ضايق من الوقت الكئيب
ــــــــــــــــــــــــــــ من تحت خدرات النواعس خلّني
في وسط سودٍ وسع هالكون الرحيب
ــــــــــــــــــــــــــــ في ظلها عن حر وقتي ظلّني
وان غبت .. والله مانويت اني اغيب
ـــــــــــــــــــــــــــــ اخاف لاطال الوصال تملّني