بعد غيبة شهر للوصل مشتاقـه
كابرت لين جاب الشوق تاليها
واقبلت للقا والعشـق تواقـه
كل غصن يتثنـى مـن تثنيهـا
خلت اطول ظفايرها على الساقه
كنها الصبح والليـل متقفيهـا
غيمةٍمن حقوق الوسم منساقـه
دكها البرق واشتبـت مثانيهـا
استباحت حشاي وقدت اوراقه
وامطرت في ضلوعي..عز واليها
قالت :البعد هز الغصن واوراقه
قلت:حبلٍ خذا الدلو بعراويهـا
اعطي الطير حريتـه ومسباقـه
وده يصيدهـا..والا يخاويهـا
لكن( الورده الحمرا) من الباقـه
اخذي العمر يفداك ..وعطينيها