ياجاهله يخفـاك عـزي وتاجـي
قولـك غريـب ولا تقولـه فهيمـه
بيديـك طفيتـي فتيـل السراجـي
وتصرفك هـذا تصـرف غشيمـه
ومن يوم شفت الوضع فيه ارتجاجي
ماعاد لك بالقلـب والفكـر قيمـه
انا احمد الله عارفٍ وش خراجـي
عندي على صعب المواقف عزيمه
انا من اللـي يقضبـون المحاجـي
اللي لهـم بالكـون قـدرٍ وشيمـه
وانتي سجينه مع عديـم المزاجـي
القلـب ميّـت والمشاعـر عقيمـه
مريض عيّـا بـه يفيـد العلاجـي
مايغتني طول الدهر عـن حليمـه