علـى الغصـن غـنّ وخيـر ياطيـر
مـن الهـم ويـش اخــذت مـنّـا!!
بـشـر فــي شناكـيـر المقـاديـر
حفـظـنـا المـواجـيـب وكـلـنّـا
فرشـنـا الحـيـاه بنـيّـة الخـيـر
وجـيـنـا بـالامـجـاد وسـكـنّـا
مـقـامٍ رفـيـع عــن المـعـاذيـر
وعــزٍ ورثـنـاه مــن اهـلـنـا
لياثـقـلـت حـمــول المنـاعـيـر
بـركـنـا وعـــان الله وشـلـنـا
ولا نشـبـت ألـسـنـة المعـاثـيـر
وقـفـنـا بـقــول الله وقـلـنــا
كـرامـه وتفـكـيـر وصعـاطـيـر
وذي مشكلـتـنـا فـــي زمـنّــا
نـسـج الـقـدم مـثـل المـداويـر
مـداويــر والـغـاديـن حــنّــا
مـع اهــل الـدراهـم والدنانـيـر
مـثـل مانحـطّـه فــي صـحـنّـا
عـسـى الله يـبــارك للهـوامـيـر
خـزايــن ومــغــاطٍ مـثـنّــا
تجـايـر وتـوريــد وتـصـاديـر
وهــذي مـهـي سـبّـة زعـلـنـا
زعلـنـا ازدواجــات المعـايـيـر
مـابـيـن المـهـنـا والـمـعـنّـا
الا يـازمــانٍ واقـعــك غـيــر
هرجـنـا ولاادري ويــش قـلـنـا
وجـيـه النـشـامـا والمنـاعـيـر
تعرمشـتـهـا مــنّــا ومــنّــا...............؟؟!!
.