قدام الكل اشتائتلوه ؟!
اقول عينوا من الرحمن خير تراني مقفل نسبه فوق (( غلا )) ؟!
فلا تسوون زحمه دامني موجود لي جوي الخاص وابي اعيشه بكم قصيده مختاره ؟!
اول مراسيل الغلا يا جد الغلا وعمه وخاله (( يعني يا يتيم الحسن مالك اخوان )) !!
الوصل بانـت مواريـه وعلاماتـه
وابرك ليال الهوى جمّاعة الشملـي
ايه اجلس اجلس ومافي خاطرك هاته
كم لك عن المجلس الهادي وانا كملي
ابطابـك الله ثـم الحسّـاد ودعاتـه
الين ياسي بوصلك حال دون املـي
وابطيـت اقـفّ التنهاتـه تنهـاتـه
وقيـودن احلّهـا وقيـود تبرمـلـي
واتعبـت قلبـي وتعبنـي بمشهاتـه
ابيك قسمي ولاادري ويش يقسملـي
لاحركت ذكريات الوصـل حزّاتـه
واسمك كتبلي ووجهك قام يرسملـي
والشوق طب الخفوق وشاف مقضاته
وابطيت اسجل مطاليبه وهو يملـي
سرالك القلـب بسراجـه ومشكاتـه
مسرى هليك الظمى للمورد المملـي
الين يلقـي علـى طيفـك تحياتـه
وافي عمل واعرف انك عاملٍ عملي
والهجـر وسمـه لياطـوّل وكيّاتـه
متقاسمه معك ميسم لك وميسـم لـي
هذي علومي ومافي خاطرك هاتـه
وسلامتك يالغضي عسـاك تسلملـي
لا تروح يا جد الغلا توي باول السهره ؟!!