[خلف سليمان البجيدي]

سم الله الرحمن الرحيم

هذه القصيده..جبها..رد على قصيدة ..ابها..لحيث انه وقع التباس في بعض الامور بين القصيدتين.ويزعمون الناس ان البيت هذا لي

لوشافها جلالته يرخص المال=ويسلم الحكم السعودي ابيدها

.وهذا البيت من قصيدة ..ابها.. وليسى لي.وراعيها حي ٍ يرزق.
وبعثها صاحبها لي تحديداً عام1406هـ وطلب مني الرد عليها وقلت له اتوقع ماهو وقته الان قال متى ماشئت وكان مشدها ومطلعها كالاتي .يقول فيه


ابها

قالو علامك ياولد قلت رحـال=متجول ٍ مابين تبـوك وابهـا
ابها بها ادوّرعلى جمعة المال=وتبوك فيها اللي حياتي سلابها
لوشافها جلالته يرخص المال=ويسلم الحكم السعودي ابيدهـا

الى اخر القصيده..
واعتقد انه حان الاوان بالتصريح والنشر لردي عليها كامل. والأول مره يتم نشرها...


جبها

قالو علامك.ياخلف قلـت ماقـال=قول ٍ على معنى.على ساس جبها
والحمد للرحمن .في كل الاحـوال=والشكـر للرحمن.اللـي كتبهـا
واسبابهااللي بالغلا.مالها امثـال=ماغيرها اللي زاهيه.فـي ذهبهـا
لوشافها جورج الأبن.كان يهتـال=وسياسته للشرق الاوسط.قلابهـا
ولوشافها جلالته. ذرب الافعـال=يحكم جميع الارض.ياراعي ابهـا
بالعدل والحكم السعودي.والابطال=ماضنتـي يكفيه.حتـى عربهـا
ريمية ٍ صارة على القلب تحتـال=بعلم الرّدى والعيب محدٍ هزبهـا
والله يالولا خاطي الهرج.يرجـال=لاجيب راسك.يامسبـب سببهـا
ماتنتظر لحظه ولازايـد اجـدال=كل ٍ على ملـة خليلـه نصبهـا
ياجاك كاسبها من اعصور واجيال=واشو اشعورك لحيتك لاقضبهـا
تضرب له احساب ٍ على كل موال=عليك لامـن عدها.ثـم حسبهـا
تطيّبة من هبـة الريـح والفـال=خطو الهنوف اللي عريب ٍ نسبها
في قدرة الرحمن فتـاح الاقفـال=سبّق بها العفريت للي طلابهـا
من بعدها ماجازلي يشرح البـال=وقت اللقا.ياصايب القول صبهـا
قالو علامك ياخلف قلـت رحـال=والاّ سوى نزال .ماقلـت جبهـا