[المسيكي]

انا لله وانا اليه راجعون ،،،،

حل القضا والموت ماهو مناجاه=حل القضا ومقدر الامر تقدير
امر الولي محد ٍ يرده وينحاه=والموت حق ٍ مالنا فيه تغيير
ولو البكا ايثيب حنا بكيناه=والعين تدمع دمعها كنها البير
لاشك ماينفع ولابه مراواه=يالله تصبرنا على خير تصبير
مرحوم ياحر ٍ زعيم ٍ فقدناه=مرحوم يانسل الرجال المناعير
مرحوم ياللي تبذل الطيب يمناه=مرحوم يامذري الحفاه المفاقير
ننعاه حنا اليوم والكل ينعاه=يالله عساه بجنتك فيه ويصير
ابوفيصل اللي بحكمه عرفناه=بعيد شوح ٍ حاسب ٍ للمواخير
لو قلت قولي مانعدد مزاياه=يعجز عنه بالقاف كل الشواعير
يدلي ودلوه والهدف وين مرماه=سديد راي وعارف كل تدبير
يالله عساه برحمتك واتغشّاه=وتجعل طريقه ياالهي بتيسير
وتوفق ابومتعب حنا رضيناه=وحنا معه لاشك بالشر والخير
أسألك انا يالله اتسدد خطاه=وتبعد عنه اهل الوجيه المغابير
وتبقى السعودية عزيزة الجاه=في ظل حكام ٍ بدوها بتعمير
دستورها القرآن والدين مبداه=عزّ ٍ وخير ٍ مع تقدم وتطوير

اللهم اغفرله وارحمه واسكنه فسيح جناتك ،، انك على ذلك قدير وبالاجابة جدير