اقتباس:
|
المشاركة الأصلية كتبت بواسطة حاسب الرويلي
ويل حالي لا رقيت المعتلي=وغنّت الورقا بصوت النايحه
والحزن بقفاي يتليني تلي=وعن وجيه الناس عيني شايحه
والسهر جرّح جفوني يا علي=في عيوني معلن ٍ فضايحه
اقبلي يا ضيقة الصدر اقبلي=دلة الاضلاع منها فايحه
لاني بداله ولا قلبي خلي=في سماي بروق وجدي لايحه
لهاجسي شبيّت نار ٍ تصطلي=جاد لي فالحال من قرايحه
واهلي ما اعدّهم كانوا هلي=ما دروا بالروح معها رايحه
صوتها بالحزن جاني ممتلي=قالت حظوظي بشوفك طايحه
السفر واقع وابترك منزلي=ومن نصحني ما استمع نصايحه
حدّني ظرف ٍ يسبب مقتلي=لا نويت ادرس ولاني سايحه
الله الوالي ولا غيره ولي=والقدر نمشي على لوايحه
لكن افهمني واسمع ما يلي=حبك فقلبي فلا احد ٍ زايحه
قلت ياربي تعين المبتلي=والصبر سرّي ولاني بايحه
وانتي لي حب ٍ اخير واوّلي=لو زيّن النسيان لي مدايحه
|
حاسب الرويليصح السانك مليون ابداع وجزالة وقوة معنى لله درك
اعجبني قاف القصيدة فهو قاف موسيقي رائع من شاعر مبدع ورائع
سجل اعجابي بهذه الجميلة وشاعرها المبـــــــــــــــــــدع