هلا فيكم حبايبي من زمااان ماحطيت حلا هنااا << مايصير الحلو يجيب حلوو هع :: لاتفوتكم جربووه تراي تعبانه فييه يامال العافيه ومقاديري مضبوطه :: المقادير: مثل ماهو واضح قطعة بسكوت دجستف Digestive ( بسكوت نخاله ) .. 2 مغلف دريم ويب .. زبدة .. 3 أرباع كوب حليب .. علبتين قشطة .. 8 قطع جبن كيري .. ليمونه .. 6 حبات سنكرز .. :: الطريقه : حضري كل المقادير كسري البسكويت لين يصيير ناعم حطيه بوعاء خاص واضيفي له الزبده .. نفرك البسكويت مع الزبده لين يختلط مرره بعدين نرصه بصينية وندخله الثلاجه بهالشكل نحضر الحين للطبقه الثانيه : حطي علبتين من القشطة في وعاء للخلط .. نضيف عليها الدريم ويب ونخلطهاا بالخلاط الكهربائي.. اضيفي الحين نصف كاس الحليب ( النصف فقط ) للخليط و اكملي الخلط واضيفي حبات الكيري للخليط وكملي خلط .. تاكدي انه لم يبقى للحبات الكيري اي اثر وانها اختلطت بالخليط تمامآ .. اعصري الليمونه و انتي تخلطين صبي الخليط على قاعدة البسكويت بشويش تاكدي انها توزعت تماما على السطح بعدها ادخليها الثلاجه على الاقل ساعه واحده اذا كثرتي يكون احسن في حمام مائي قومي بتذويب الزبدة في وعاء ( طريقة الحمام المائي ) : تحطين قدر فيه مويه وتولعين عليه النار و تحطين داخله قدر ثاني و تشتغلين فيه يعني يصير مو مباشر مع النار . قطعي اصابع السنكرز و اضيفيها للزبدة في الحمام المائي + ربع كوب حليب أذا تجانس المزيج السابق مع بعض وصار مزيج واحد .. ابعديه عن النار و اتركيه على جنب لين يبرد .. بعدها نصب المزيج على الطبقة العلوية للتشيز كيك بشويش .. وبعدين دخليها للثلاجة لمدة ساعتين على الاقل وهذا شكلها النهائي وهـ بس تعبت وتاكلونها مع كاس كابتشينوا أو نسكافيه بس يكون قليل السكر لأنها حاليه مرره وبس << لاتعبتي ياشمــــــــوخ وبالصحه والعافيه على قلوبكمــ ودعواتكم لي :: شمــــــــــوخ