[ابو ريناااااد]

احترت مدري مين فيهم ضحيه = وردْ وجذعْ معْ عين شاعر ومسمار

الجذع يبكي من طعونٍ خفيه = والورد يشكي جرح خـاين وغدار

وطعنة المسمار ما هي خطيه = والطرقْ رافض ما يخليه مختـار

والورد خد اللي كوى القلب كيه = شكله ولونه والشذا منه تذكار

مير البلا يا نــــاس عينٍ نديه = هلت عبايرها على الخــد مدرار

بأسباب ولفٍ جار حبه عليَّه = وصرت منه داله العقل محــتـار

يشوقني شوق الخوي لخويه = شوق الغريب يحن للربـع والدار

أقسم بمن سوَّى البنان بيديَّه = بأهواه لين أسكن بقبري أو شهار

ابو وجد