اقتباس:
|
المشاركة الأصلية كتبت بواسطة عبدالعزيز الرميزان
لاتنشغل فيني أنابحالي ادرى =قلبٍ تعلّق فيك ينسى مع الوقت
اكثرمن اللي صارلي ويش يجرى =بين الرجاوالياس فكري تعلّقت
مثلي ولوشفته عن همومه ازرى = ماقال ليتك في جروحه ترافقت
هاك القصايد لاتضايقت واقرى = شف وشكثرفيها لبسماتك اشتقت
أثرالوفا ينباع عندك ويشرى =ماكنت اصدق فيك واليوم صدّقت
يامشتهي فرقا المواليف حذرى =تبعد وأنا من سكرة الحب مافقت
لاطافت الفرصه تحريت الاخرى =وتروح ماكني عليها تشوقت
ساري لو إن الليل مافيه قمرى = اشيل من حمل الهوى فوق ماطقت
لاصارحظ أقشروالايام قشرى =مافيه احد عاقل يلومك إلياضقت
صحيح بعض الناس فرقاه بشرى=وبعض البشرلاغاب ليله تضايقت
ليتك خذيت بليل الاحباب مسرى=غربت من كثر الطواري وشرّقت
السيل يبقاله على القاع مجرى =ويبقالك التذكارلوكنت فارقت
اشوف لك من وين مارحت ذكرى=ولاشفتها صديت عنها ودنقت
ماكل جرحٍ لاخذا أيام يبرى =بعض الجروح يزيد شره مع الوقت
|
.
.
الله الله الله عليييك يا
متعب التركي
انشهد انك شاعر لا يستهان فيك
وقصيدة غلب عليها طابع الخذلان واليأس واللوعة
.
.
الفاضل ..
عبدالعزيز الرميزان
وعليكَ السلام ورحمة الله وبركاته
شاكرة وممتنة لكَ سمو ذائقتك وحُـسن إختيارك
لاعدمتك
تقديري
هيــــااااا