بسم الله و الحمد لله و الصلاة والسلام على رسول الله و على اله و صحبه اجمعين وااااااااااااي مشتاقه للثريد و الهريس و لايهون المجبوس و البلاليط و اللقيمات و القطايف اوووو سوري نسيت الجلي و الكريم كاراميل و المحلبية . . . خلاص بيغمى علي ما اقدر انطر متى يجي رمضاااااااااااااااااااااان قاعده اجهز عمري حق العزايم و الغبقات و السهر في الخيبه الرمضانيه قصدي الخيمه واااااااااو مشتاقه لريحة الأرجيله اما الدوام الحمد لله ارجع من الدوام الساعة 1:30 و رقدة من قلب و قبل و قت الفطور بخمس دقايق اقوم و اشخط صلاة العصر مع صلاة المغرب و اكون وفرت صلاتين بوضوء واحد وبعد صلاة الفجر اعطيها رقده لين الساعه 8 الصبح والدوام مب مشكله التأخير لان رمضان كريم و قبل ما يدق المدفع بمقدار 0.00000001 من الثانية و الا تشوفنا طابين رويسي في ما لذ و طاب من ما احل الله علينا و بعد الاكل يجي البريك دون يرفعنا علشان نغسل يدينا و بعدين نتربع محاطين بالبلاليط و اللقيمات و خير الله الكثير و رمضانيات بين تلفزيون قطر و الكويت و السعودية و طاش ما طاش و دبي و البحرين اوووو اسفه نسيت MBC و روتانا و هز يا وز في الخيم الرمضانيه باحتشام طبعا علشان خاطر الشهر الفضيل و بعد اذان العشاء عندنا مسجد اسميه (تراويح اكسبريس مسوي سبيشل اوفر ) 10 دقايق صلاة + سنة + تراويح + شفع + وتر , بس يقولون في مسجد غيره يجيبها في 9 دقايق بدور عليه ان شاء الله و العشر الاواخر اجازة من الدوام بحجة العمرة السكن بفندق فرست كلاس يطل ع الحرم عشان نستمتع بمنظر المصلين و الصلاة في الفندق طبعاً بسبب الزحمة وبعد الصلاة جولة شوبينق في مجمعات مكه و كل رمضان و انتوا بخير و صلى الله على سيدنا محمد و على اله و صحبه و سلم ملاحظه طبعاً من ضمن تجهيزات رمضان عندنا فــقطر لازم نجهز ثلاثين دراعه حق الكشخه عقب الفطور واللي ماتطلع وايد ممكن 15 يكفون هذا خبز الرقاق حق الثريد وهذي البلاليط واااااو مجبوس سمج فيمتووووووو طعم اللقاء مايستفاد من هذرتي كثير منا يكون رمضان مرتبط لديهم باللعب والاكل والشرب والاكثار من هذه الامور وكانه شهر اكل ولعب ونوم ومتابعة للمسلسلات وعرض دراريع فاين العبادات واين الزيارات واين صلة الرحم واين التقرب الى الله في هذا الشهر الفضيل فنجد في كل شهر المغريات تزيد وتتكاثر والعالم تسير ورائها كالقطيع اسفه على الاطاله بس من زمان مادشيت المنتدى وفيني طاقه كتابيه كل عام وانتوا بخير ورمضان كريم