«®°·.¸.•°°·.¸¸.•°°·.¸.•°®»بسم الله الرحمن الرحيم«®°·.¸.•°°·.¸¸.•°°·.¸.•°®».
.
.
السلام عليكم ورحمة الله وبركاته
.
.
.
اعزائي الاعضاء
هنا ...
في هذه الصفحه
اضع بين ايديكم اول مصافحه لي في هذا الصرح الشامخ 
واتمنى ان تنال على استحسان ذائقتكم
فتقبلوها مني على تقصير ..,
والاهداء الى كل وايـــلــي
جرهدت عن غمد المعاني حسامي=والسيف يظلم لا بقى فـي جفيـره
وشديًت في صلب القوافي حزامي=ووالله لياصل راس عيطـا مسيـره
وشاعرك هدً من المثايـل قطامـي=ويسطي على صيد السمينات طيره
ويومٍ شفت ان صيت ربعي يضامي=قافي علا بصوتي وصوتي هديـره
وجنًبت علمٍ بـه كثيـر الكلامـي=واخذت من نظـم التماثيـل خيـره
من لا اعتزى في لابته ما يحامـي=ومن لايحامـي مـا يثبًـر نظيـره
وربعي بني وايل كعام الخصامـي=لا صاح صيًاح الضحى يا نذيره !
ولا زغردت بالصوت بدر التمامي=نشوش وجنون السطر مستثيـره !
ولا قبًست ارض الوغى بالزحامي=حنا الطيـور المدميـات المغيـره
نارد حياض الموت ورد الضوامي=ونروي حداب المرهفات الشطيره !
عدونا لا طـاح مـا عـاد قامـي=يشبع بها ذيـب المفالـي وطيـره
عندي براهينـي وابرهـن كلامـي=ما هي سلاحٍ ما لقي لـه ذخيـره
إجيوش كسرى بالملاقـا عدامـي=وحنا زناد اللي لفـت مستجيـره !
تاريخنا مـا يجحـده كـل كامـي=والحاضر املوكٍ بشبـه الجزيـره
ومن يفتخر في لابته مـا يلامـي=يـومٍ كـلٍ يفتـخـر بالعشـيـره
وان كنت ضميانٍ ترى الغير ضامي=والكسر مـا يبـرى بليًـا جبيـره
وان كنت رامي باكر يجيك رامـي=والكون خـلاًق الخلايـق يديـره
ترى العمى .. من كان للقلب عامي=وشتًان ما بين البصر والبصيـره !
والفقر. ما عشًش على كل سامـي=الفقر: فاقـد عزتـه عـن قريـره
والموت ما قبـرٍ يضـم العظامـي=الموت من مات الحيا في ضميره !
.
.
.
.
.
.
فايز بن سليمان العبدلي