اقتباس:
فـي ذمتـي يامشاركتنـا بويـلان
انها شرف لو هي سطـور قلايـل
لان الطمع في روس ذربين الايمان
رجـال وايـل والقبايـل قبـايـل
اقولهـا للـي لهـم عندنـا شـان
واللي لهم قلبي من الشـوق سايـل
المعرفة تاج الفخر طول الازمـان
تبقا ونبقا غصـب والشـك زايـل
واناهنابقولهـا وازهــم الـعـان
وانسج غمام الفكر نسج الخمايـل
في ذمتي كني من الفخر سكـران
وطويق لـو ميـل فلانـي بمايـل
ودي اقول ابيات وابيـات واوزان
واجدد المعنـى بشتـى الوسايـل
ويلان يا ويـلان ويـلان ويـلان
انا اشهد انكـم يالسلايـل سلايـل
اصغر صبي فيكم كما طير حوران
وكبيركـم يسـوى بذكـره قبايـل
بلا قصور في القبايـل وحقـران
لكن يطول العز من كـان طايـل
وانا نسل يـام العريبـه وهمـدان
لاثـار بـارود الوغـى والفتايـل
اقولها من حـد ربعـي بنجـران
الليا ورى وابعد من حدود حايـل
يا يام يا ويلان يـا يـام ويـلان
سيفيـن للعليـا وعـز وصمايـل
|
الشاعر الرائع
فيصل بن قنه
بيض الله وجهك
صح لسانك مدد لا عدد
وحياك الله بين اخوانك وزي ما قلت يام ووايل سيفين للعليا ولايهون باقي القبايل
ولا نملك الا نقول لك كما قال اخي الشاعر الرائع مزيد المزيد
اقتباس:
بامرحبا مليووووووووون من قلب ولسان
لعيـال يـام تقولهـا عـيـال وايــل
وبامرحبـا بـك يابـن قنـه ولاهــان
راس ً علـى العليـا يـشـب الفتـايـل
اقلـط هنـا فـي ذروة المجـد والشـان
وأبشـر بمـا يطلـق وجيـه الحمايـل
|
فصح لسانك الشاعر مزيد فقد كفى ووفى ما نود قوله
واعود بالترحيب لجنابك اخي الشاعر فيصل بن قنه
وتقبل فائق تحياتي لجنابك .