يا شيشتي لو فيـك ذنـب وخطيـه
معاك احس اني عن النـاس غايـب
العام كانوا لي من الاصحـاب ميـه
وقت الرخا لكـن جفـوا بالنوايـب
لا هنت يا قلـب شكـا مـن خويـه
كم راس من طعنات الاصحاب شايب
مرات اقـول ان الخبـل يـا هنيـه
ولقيتهـم يشكـون ظلـم القـرايـب
ومرات اقول النـذل لا رحـم حيـه
واثر النذل في بعض الاوقات صايب
يا نفـس شيليهـا علـى السامريـه
شيلت طرب ما عاد فيهـا طلايـب
وش لـي بتنيهـه القلـوب العميـه
وحنا فـي هالدنيـا دروب وركايـب
ابتغـزل فــي هـذيـك البنـيـه
بنـت تفـل القلـب فـل الذوايـب
كـم بعثرتنـي وجمعتنـي هنـيـه
بنفس المكان اللي جمعنـا غرايـب
يا ضعفهـا معهـم وعنـدي قويـه
منها غـدى ثلثيـن قلبـي خرايـب
مرباعهـا بيـن العيـون الشقـيـه
ومقيضها بيـن الجـروح العطايـب
ما قـول يذبـح زينهـا بـس هيـه
تلفت لها قلـب عـن الحـب تايـب
ولا قول مغـروره ولا هـي خليـه
فيهـا دلـع طفـل تبنـاه شـايـب