السلام عليكم ورحمة الله وبركاته
اسعد الله اوقاتكم بكل خير
مرفوض ياللى بعت غيـره عشانـه = أزريت عـن رد الجـزا أو تهاونـت
مابـي لـك أكثـر سـد بــاب الميـانـه = بانـت مـع الوقـت الخفـايـا وبيـنـت
مــادام مـالـى وســط قلـبـك مكـانـه = أنـا بعـد مثلـك عـن الحـب هـونـت
أنــا مـثـل خـيـال خـانــه حـصـانـه = عذره يقـول مـن الرسـن ماتمكنـت
غرّه مع المركـاض وارخـى عنانـه = مخطى وانا غلطان يوم انـى امنـت
لـو كنـت وافــى ماتـخـون الامـانـه = ياللى تقول تشيب روحك ولا خنـت
ذاك الهـوى لـو ماشعـرت بحنـانـه = ماكنـت فـى حلـو القصـايـد تفنّـنـت
شاعـر تزلـزل مــن فـراقـك كيـانـه = لك يعترف مايسكن القلب غير انت
لـو كـان قلبـك صافـى الــود خـانـه = فـى ذمّتـى ماهـان حبّـك ولا هـنـت
أحـدٍ يخـون وواحـد الـوقـت خـانـه = أنا ترى الثانى وألاوّل تراه أنـت ؟
للمبدع \ متعب التركي
...