.=.
.=.
.=.
.=.
.=.
أنا قـد الكلام اللي بقوله و اذكــروا ما قـلـت=لأنــي واثـق الخـطــوة و أوصلهـــا لمـنجــاها
وأهيمن و اخترق صــدر القصيـد الفــــذ لا هيمنت=أســابق خيــل فكـري في خيــالي و آتعــــداها
أنا مثل الصقر لا شفت لي صيدة قنصت وغـرت=و لكن صيدتي دسمه دسمها وســـط معنــاها
أباري صيدتي بالهـون و لامن شفتــــها و أيقـنت=اقـــض براس مخــلابي الين تفيض بدمـــاها
يقــولـون الملا يا راعـي الصيــده تــراك أحسنت=ما دام إن صيــدتك فكــره ترتــبهـا و تقــراها
على دنيـــا الظــلام اللي سـرقـني ياسها دونـت=بيتين ٍ بنــور الحـق تحـــرق مــن تـعــــاداها
وأبا افتح صفحة ٍ بيضاء تسـاندني ليا من مـت=أســوق خطـاي لديـار النقـا واحظـن مزايـاها
و أنادي يا شعــــاع الشمس نور صفحتي لا هنت=عساها تاصل أطراف الأمل و حدود سـلـواهـا
على صوت المــآذن و الآذان البــارح استسلمت=و قــامت نفسي تهل الدعا من هول مـا جاها
تحـــاول تعلن التوبة و تدعي ما معاي إلا أنت=تنـــاجي غــــافر الـزلات يغــفـر مـن خطـاياها
تذكـرت القيــــامة و القبـر و يا العـــذاب وخفـت =و بانت رعشــة يديني و عـــيني نثـرت مـــاها
و قلبي يرتعــد بيــن الحنـايا و التزمت الصـمـت=مشــاعر مسلم ٍ تـايب دفــا الإيــمـــان يطغــاها
و رحت لمسجــد الله و ابتهلت بركعتيـن و قمت=أدور للرضــا و ادعـي لروحـي طيــب مثــواها
و من منبر بيوت الشعر أنـــا يا سيـدي أعـلنت=و أوقـفـت الرجل من درب ممشـــاها و مســـراها
أنــا باللي رفــع سبــع ٍ سمــاوات ٍ عــلى آمـنت=رفيــع الشـــآن خـــلاق البــشر عــالم خفاياها
ألا يا الله يا منشـــي المخيـل الممـطـرة لك تبت =و جيت مسلم ٍ أمــري على جنتــك و ابغـــاها
ما دام إني على راس القصيدة واقف وسلطـنت=أباعـلن تـــوبتي لله مـن ذنـــوبي و بأ نســاها
من قصــائد
محمد آل شيبان