2761- حبيبي ياخاين الوعد والعهد حبيبي يا من خنت احساسي يالي تقول تحبني موووت واني اول حب في حياتك وينك انت وين وعدك للخفوق اللي يبيك وينك ياخاين الوعد وين انا حبك الاول انا من باع لك روحه حسبتك للوفاه عنوان حسبتك عشقي الاول حسبتك كل احلامي وشلى شفت انا منك سوي التجريح والنكران
2762- اعذرني لو غلط قلبي عليك وقال احبك واعذرني اذا قسى قلبي عليك وردد اسمك واغفر لي زلة عيون تمنت انها بلحظه تشوفك
2763- لو سمحت ابتعد؟؟ حبي لك كان اول خطايا ماعدت في قلبي ولا في الزوايا
2764- مهما تباعدنا حبك بقلبي زارعه ولا الفراق حاصل ولا اقدر امنعه والحب مو كلمه عابره الحب في الوجدان وفي خافي الروح اجمعه اعطيتك كل حبي وكل عواطفي واي شئ عنك ماامنعه خلي دموعي تجرح الخد وتغيره وايوب صبر وجاه العمى ثم ابصر النور لمن حضر من يفقده ونا بصبرالين الله ينسيني الحزن ويرفعه
2765- عاتبت نفسي قبل الرحيل ولمت وقتي الماضي الحزين تركت لك بصمة وفاء تركت لك بصمة صدق لكن ماتركت لك بصمة حنان ولا كلمة عسى اودعك؟؟ لأن الحب مو لايق عليك
2766- من عيوني ماطلبــت إلا القليـــل حـاضـر وممنـــون عنـك بأبـتــعــد بأنسحـب بصمــت مابتـــرك دليــل وأوعــدك بنســاك وانسـى للأبــد لاتظــن البعـــد عنــك مستحيـــل !لا ورب الكــون واتـحـــدى بعـــد
2767- لاتلمس الجرح خل الجرح وأسبابه الله يخليك مافيني مكفيني حتى حبيبي زمان الحب ماجابه كان آخر انسان متصور انه يخليني يكفي انه ترك لي شي اشقابه دفتر قصيد وقلم مسجون بيديني
2768- كم من حبيب عن حبيبه تخلى هذا نسى حبه وهذا مفارق ولا انت حبك بالضماير تولاّ وأخذ على قلبي عهود ووثايق وأستبشر الخاطر بحبك وهلاّ بشرى السجين بيوم فك الغلايق سوالف من سمعها مايملاّ ينسى العنا والهم لو كان ضايق
2769- بعد موتي بللي تراب المقابر بالدموع وأحضني أطياف الرحيل بلا رجوع " سامحيــني حلليني "أذكريني حب ساكن بالضلوع بعد موتـــي إحضري ليلة رحيلي شاركيهم في غسيلي لاتغيبـــي علميهم من تكوني قولي :أنك ساكنه في عيوني بعد موتي
2770- ما اصعب ان تعيش مخدوعا ان يكون الوهم هو من يرسم طريق الدموع ارجوك لا تحزن ولا تبكي على انسان يتأخذ من الحب طريقا للدموع
2771- من يوم ماذوقتني حر فرقاك واليأس والحزن في حياتي غرسته شريت لي ثوب على شان لقياك والثوب راحت موضته ما لبسته وشريت عطر مازهاني بلياك أربع سنين بعلبته ما لمسته
2772- أبي أعرف وش القصه؟ وش الي دار في بالك تغيب وغيبتك فجأة عقبها ثارت أنفاسي أبي علم يطمني أبي اسألك وش حالك؟ أبعلنها واقول بصدق انا من غيبتك"هــالك" مثل لو كنت أنا التاجر فأنا بعلن لك افلاسي
2773- تسالني ليه انا دايم حزين تسالني عن سبب هذا العذاب قصتي قصه طويله من زمان قصتي عمر الطفوله والشباب البدايه جرح في قلبي دفين والنهايه مالها عندي جواب
2774- ابســـألك ليــــش نلقى في زماننا جروح وأحزان وهموم ليــــش التفاؤل والفرح يبقى ثواني ما يدوم ليش العيون الخايفة وبعض المشاعر زايفة
2775- باودعك واقول انا قلبي معك باودعك وايدي تبي لمة يدك وانفاس روحي تحتضر في ضامري مثل الجمر امشي مع الدرب القديم اهوجس بحظي العتيم واندب على ذاك الزمان اللي اختفى منه الامان
2776- لعنبـو قصـة غــرام كــل ابـوهـا كلمتـيـن ابتدينـا عنـد احـبـك وانتهيـنـا عـنـد بــاي تـونـا مامشيـنـا فالـهـوى لوخطـوتـيـن وانتها الموضوع كله حتـى ماعـرف وش خطـاي وأنتهت قصّة حياتي بكـل سهولـه ويـن احبك؟ويـن اريدك؟ويـن ساكـن فـي حشـاي
2777- أدري انّك يا حبيبي من زمانٍِِ لـــــــي تـــــــــخون وادري انك ما يهمّك ان زعـــــــلت ولاّ رضيــــــــت وادري ان الوقت ظالم وانـــّــك أظلم من يكــــــون صاحت عيوني الفقيره دمعها أدمـــــى الجفــــون ما غفت لحظه جفوني من زمانٍٍ مـــــــا غفيـــــــت
2778- لقد خدعتني وقتلتيني ولعبتي بمشاعري وجرحتيني لكني سأطوي الامي وسانسى جراحي وساخرج من تجربة حبك البائسة اقوى من قبل دخول بسجن حبك الخداع
2779- من خيالي طيفك الكاذب سرى لا مشاعر في عيوني لا حنين مثل مابين الثريا والثرى بيننا تفصل ملايين السنين
2780- سامح الله ياجماعه صاحب صد ونساني صاحب صد ونساني دون ذنب او خطيه ماحصل مني قصور وماخذلته بزماني كنت اشيله بالحنايا بين ود ومقدريه
2781- شفت المقفي وربي مااتبعه لو خطوتين واصبعي وهو اصبعي لاجرحني اقطعه !ابسألك سؤال واحد والجواب كلمتين لاصار قدرك والهوى خصمين من تآقف معه ؟ياخي العزة كرامة وانت دايم مستهين ياخي ضرسك لااوجعك بذمتك ماتقعله ؟!
2782- على فكرة !قلبي ما ينكر العشره يفني للغلا عمره يبكي فراق الوليف ويبتسم على ذكره وعلى فكره !قلبك ما عرف قدره مسكين هو له عذره غلاي أنا فوق الوصف ، وبروحك تكتشف بكره
2783- أفا يا قلب تخدعني وأنا ساقيك ماي عيني هذاك الي حبيته حسبته فيوم شاريني فهمني ليش علي تقسى أنا كنت لك شاطىء ومرساه كل هذا عشان إنسان أغليته فيوم و رخصني أفا يا قلب
2784- لولا أحس بداخل الصدر دقات ماكنت أصدق أن قلبي محله أستغفر الله شلون ذا القلب ما مات وشلون ينبض بعد ما راح خله آخر مصيبه زادة الطين بلات فرقا الحبيب اللي له القلب كله قصة حياتي أصبحت شبه مأسات قصه حزينه والنهايه ممله
2785- زعلت لأن كلامك جرح قلبي ماتوقعت منك هالكلام تكلمت كأنك مب حبيبي وخليت علي كل الملام ياصاحبي أنا aأكتفيت بنصيبي حتى كلامك صار يبكي عليه طير الحمام حرام عليك تجرح قليبي تخليني بهمومي وتنسيني طعم المنام.
2786- حرام تحرمني من الصوت والشوف وحرام تذبحني بزهرة شبابي وحرام تقطف وردة الحب بسيوف وحرام تهجرني وتطير صوابي لا تبتعد عني ترى القلب مخطوف ما بقى الا الجسم داخل ثيابي
2787- اكيد تدري صوتك العذب لاغاب احس نفسي تنكسر من غيابه كذا غيابك للحزن يفتح ابواب غصبن علي البس شقاه وثيابه حبيت صوتك وان تثيقلت كذاب من يعشقك لا غبت يفقد صوابه
2788- ماني قايلك عسى الله يهنيك الله يحرمك كل ما كان هناك وعسى العمر يا خاين العهد يعميك فوق الغرور اللي عن الأرض أعماك وعساك ما تفرح وتكثر بلاويك وعسى أمك تشق الجيب من عظم بلواك
2789- طالت رحلتي وياك وعمري ماشتكيت منك واليوم شخص ثاني خذاك لأجل يبعدني ويبعدك تمنيت أكمل رحلتي بهواك وتبقى مع اللي يسعدك بحفظ أنا في قلبي غلاك ومهما طال العمر أوعدك تكون انت مثل ما أنت ماينزل بعيني مستواك
2790- غريبهكيف كنا أحباب وكيف كنا لبعض نشتاق صار الوقت يزيدنا عذاب وصرت انا ميت في هواك غبت عني بلا أي أسباب قدري ضاع من غلاك ماعرفت الهوى تمثيل وألعاب بشوف القمر وعيني تلقاك وبضوي لك شمعه إذا القمر عنك غاب
2791- ليتني اقدر أسئلك وينام جفني بعد فرقاك يامن سكنت القلب من يوم لقياك سلمت لك قلبي وروحي بيمناك وطعنتها بسيف غدرك بدون أعراك دمعي جرى لأمن تذكرت ليلاك وشلون ابنسى حبا سكن في الأعماق
2792- خلني اعيش حبي الوحيد خلني أحبك من بعيد حتى لو قلبك لغيري تمنحه حتى لودمعي في عيوني تلمحه خلك سعيد بدنيتك وأنا سعيد بشوفتك بس الرجــــا كل الرجــــا قلب المحب "لا تجرحه
2793- أبسألك ليه انتظر وانا ادرى في حالتي مالي امل لو انتظر طول العمر انك تجي وماتحس بلهفتي ولا تمر ليه انتظر واخفي بعيني عبرتي واختنق واحاول القى سبب يوم اننا نفترق ليــــــه الفراق ؟ كان يمكن نوصل لاتفاق ونتفق كان تعطيني سبب واحد ولا تخليني احتـــــــرق
2794- خطاي اني منحت الحب شخص وقابله بنكران طمعت احسب طمع قلبي بحبك يكسب ارباحه وعرفت انه ما تورثته من ابوي آدم طمع انسان خسر ملك جنان وراحته باسباب تفاحه
2795- اعلن رحيلك قدر الامكان بس بفراق يكون باسلوب هادي ما ودي بفرقى الم ودمع واحزان ودي يكون فراقنا بشكل عادي
2796- كل ما العين اذرفت دمع يسيل قلت هاتي دمع ثاني يغسله مابكى يوم الفراق الا الاصيل دمعة المخلص تجي مستعجله لا طرى له صاحبه يوم الرحيل شق جيبه وعبرته ماتمهله ان شكى من هم قالوا له ذليل وان كتم هم جوفه يقتله
2797- والله لخلي عزتك تحت ماطاي تمشئ وعينك ما تعدا مواطيك ابيك درس لكل خاين وناسي وافهمك قدرك وقيمت مباديك والله لهينك لين تبكي تبي رضأي ذليل تكسر عين منهو يراعيك
2798- لاتكثر بحكيك تري دربك اشواك ياحفي الرجلين ثمن كلامك واذكر زمان اول وايام بلواك من سنعك للناس وعدل مقامك لا يفلت لسانك على شخص رباك انا بنيتك وماانا عاجز اهدمك
2799- لاتنصدم لا قلت انا اليوم ما ابيك القلب عافك وانتها اليوم دورك اعميتني بحبك عسي الله يعميك ورميتني يازين بأعمق بحورك يالله توكل لا تجيني ولا اجيك يالله حبيبي قوم رتب امورك
2800- بعد الخيانة انتهت رغبتي فيك وان كنت تذكرنا ترنا نسيناك يشهد على الله لاحل طاريك يروق قلبي لكن اذكر سواياك
كالعادة.....