[محمد الدلماني]

تتميز تايلند باسواق كثيرة واكثر اسعارها تكون غالية بالنسبة لدول الخليج وذلك لعدم خبرة السائح العربي مع عائلته باسواق تايلند وهذه بعض النصائح الهامه وذلك لخبرتي هناك وسماعي للكثير ممن قالو بانهم يعرفون الاسعار جيدا واحسن البضائع فبعض السلع كاكسسورات النساء تكون غاليه في بعض الاماكن مع العلم بانها تكون بسعر الربع بالنسبة للاسعار الاخرى وناخذ مثال على ذلك شنطه ماركة كرستنديور تقليد 100% نجدها ب 3500 بات بعملة تايلند مع العلم بان توجد اماكن لايعرفها السائح تبيع نفس السلعه ب 800 او 1200 بات فنجد السائح يصرف مبالغ كثيره لاداعي لها منها ومثال اخر الساعات النسائية والرجاليه التقليد وهي بصناعات مختلفة اوميغا او الروليكس نجدها ببعض الاماكن ب 5000 بات او اكثر مع العلم بان سعرها هو 1500 بات يعني تشتري حق الاهل كلهم بسعر ساعة وحده والمشكله دائما وخاصة للنساء الي امسحبين ازواجهم وكله خاطري في هذي الشنطه وخاطري في هذي الساعه والزوج افا والله عليج من اعيوني بكم هذي الساعه وايشوف البائع وهو يطبع الارقام وينتظر السعر واذا عرف التايلندي انه خليجي دبل السعر الى الثلاث دبلات ودفع الزوج وقالت الزوجه حق ربعها لين اوصلت واو شنهو بضايعهم ارخيصه وهي مقصوص عليها المسكينه
وهذي اسماء الاسواق الي مافيها خصم بشير اليها والاسواق وطريق التعامل معاهم وبشير عليها



بالنسبه لل mbk المكاسر فيه مو كثير لان اسعارهم شبه محدوده بس التمشي فيه رائع والاكتشافات من البضائع



بالنسبه للأسواق الشعبيه مثل الباتونام ممكن تكاسر الى اقل من النصف وطبعا عندهم صناعات ممتازه وغريبه