ويقول في البيت الرابع حنا مواردنا على شط بغداد اي انه لم نأتي لنجد الا للفزعة لابن عريعر ولثأر ابوه وللقصائد التي ارسلها احد حاضرة القصيم ، وقول احد مشايخ حرب لن ترى مشعان نثيل القهوة ..
و مشعان في البيت الاخير يذكر ابن عريعر بما قدمه له من مساعدة عندما نخاه على بعض القبائل المضايقة لابن عريعر مثل حرب ومطير التي هزمهم في معركة أبانات والعمار التي وقعت بعد الرضيمة وقبل الشماسية وليس أبانات (كير)..
وهنا قول مشعان عن ابن عريعر في قصيدته الشيخة :
لياما نخونا اللي على نجد حضار.= وجانا كتاب من زبن المقاصيـر
ماجد بن عريعر حر الاوكـــار =يقول وليت داركم يالمناعيــــــر
الشيخ اللي حيف على البيض بالغار =يقول حل بداركم(( حرب ومطيـــــــر))
وجيناه مثل السيل طمام الاوعار=لياما غدت عنها البوادي شعاثيـــر
وبعد الرحيل الثاني للعمارات وهو هجرة مشعان بعد مناخ الرضيمة الى الشمال قال الشيخ عبدالله بن ماجد بن عبدالله الهذال قصيدة يتوجد على نجد وما أصابها من قحط بعد استقراره في الجزيرة بالعراق :
يا نجد لاجاك الحيا نادي لنا= وشبي لنا براس المقوقي نار
يا نجد لاجاك الحيا وصي لنا =.وان زان وقتك فارسلي عمار
عبدٍ خذاله زوجه من هل القرى=.شارت عليه وطاوع الاشوار
ومن طاوع العذرا على غير صايب = يصير كما اللي ضاع بالنهار
جلس قليل الفود من شان الغنم .= وخلا بنات الهرش معنا ابكار
حلفت انا يانجد مارخصك عندي =مير الدهر والوقت فينا جار
سبعة سنين مالمع فيك بارق .=.مات الحلال ويبست الاشجار
جرتي علي وانا معذي جنابك = واليوم سكنك شاوي وحمار
حاميك انا يانجد بالرمح والقنا=في لابة تسقي الخصيم امرار
حنا شبات الحرب صبيان وايل =ملجأ الضعيف مدلهين الجار
حنا أهل العادات اخوان بتلا = الى جفتنا الدار نلقا دار
لاجارت علينا الديرة وامحلت=زنلقا لنا ابدار العدو معبار
نجي على وضح النقا ونرهب العدا =زما كننا الا يمهم زوار
يانجد شفي فيك طيرة وعيرة =.وغمر الحطب لاحط فوق النار
أقفيت من عندك بنمرا ضرية =عسامها يغطي الجبال اغبار
أدنا منازلنا بوادي النعايم =واقصى منازلنا بغار انشار
يتبع