لااخطى بحقي صاحبي طيب الفـال
أصـد وأنـا كثـر ماشفـت دارب !
يا للي تقول اظهر وللوقفـة رجـال
صمتي اسميه ( استراحة محـارب )
عندي العصا وأجيد في كل الاحـوال
ضربه ولكن بالعصـا لـي مـآرب
مادام لي حيلة فا ابا احيـل وأحتـال
شايم عن هرجـه ولانيـب هـارب
لاني كبير اكبر من هـروج الانـذال
والشك ما يلحق عطيـب المضـارب
ادمح خطى المخطي ولو قال ماقـال
علمته ان العز لـه سهـم ضـارب
والفار لو يقرض من الجـال للجـال
سدّي امحصّن ماهـو بسـد مـارب
إن جابها با العـم ولا مـن الخـال
يلقى من الصوبين .. لي ساس عارب
إلـــــــــى ،،،،
موت الرجال اشلا ولا موت الآمـال
وأنا تعبـت .. وعلمتنـي التجـارب
إن الحيـاة دروس زالــت ولا زال
في شرقها ولا في أقصى المغـارب
وجرح الكلام أشد من جرح الأفعـال
وأقسى الخلايق ظلم ظلـم الأقـارب